بنات الفجيــــــرررره ادخلن*** ابا طريقه البرياني مالكم

هلا بنات اشحاااااااااااالكن

بنات انا بصراحه ما كليت شرات البرياني الفجرااااوي .. ههههه … اقصد برياني الفجيره سبحان اللله له طعم ونكهه غيرررررررررررر

يا ريت اذا فيه بنات هني ويانا من الفجيره يعطوني طريقه البرياني مالهم وشو البهارات الي تستعملونها بالضبط

مشتهيه البرياني مالكم … خاصه اني حامل خخخخ

حتى انا خاطري أعرف

هلا خفايا وكل عام وانتي بخير
كسرتي خاطري لانج حامل وبحط طريقة برياني اذا ما عيبج يعني ماضبطتي الطريقة لانه برياني هندي ولذيييييذ
المقادير : دجاجة مقطعة بدون الجلد
– بصل شرائح مقلي
– طماطم مقطع دوائر
– فلفل أخضر ويفضل يكون حار وغير مقطع
– بهارات صحيحة يعني مش مطحون ة مثل ( قرفة – هيل – ورق برياني طازج – مسمار )
– روب لكن مب المراعي ولا نادك العلب العادية أفضل وألذ بالبرياني لكل دجاجة 4 علب )
– شطة يعني فلفل أحمر مطحون ملعقة ونصف أو حسب الرغبة
– نصف كوب عصير ليمون
– مكعبات ماجي ( لكل دجاجة مكعبين )
الطريقة :
-نضع الدجاج بعد غسله وتقطيعه في القدر ، نضيف عليه كل المكونات السابقة ماعد البصل
– نضيف الروب ونخلط شوي بملعقة خشب ، ونحطه على النار وبعد مايغلي شوي نخفف النار وتكون هادية .
-نضيف نصف كمية البصل المقلي مع الزيت المقلي فيه .
نترك الخلطة على النار حتى تتكثف .
-نستغل الوقت بطبخ الأرز ويكون بسمتي .
الحين في قدر ثاني وبعد ما تنضج الخلطة ، نحط شوي من الخلط في القدر وبعدين طبقة من الارز بعدها طبعا الزعفران وماء الورد وصبغة البرياني الصفرا والبرتقالية على كيف كيفج وهكذا طبقات طبقة أرز طبقة الخلطة حتى تخلص الكمية
– آخر شيء الباقي من البصل نسخنه ونضيف عليه شوي زيت ونحطه فوق الأرز .
بليييز اطبخيها عاد وقولي لي كيف طلعت لان كل صديقاتي يحبونها من ايدي .

اسفة حبايبي لا تنسون تحطون الثوم والزنجبيل في خلطة الروب والدجاح
وبالهناءوالشفاء

ماكلتنا من مطعم محدد؟؟
انا عندي طريقه
بس اترسه فلفل ومب زين لج

يسلموووووووووووووو

انا من الفجيرة
بس ما لنا طريقة معينة انتي شكلج ماكلتنه بيت ناس وامهم طباخة نمبر ون