شحالكن بناتات وحريمات
اللي قد سارت باريس ياليت تعطيني اسم فندق حلو ومجربتنه ويكون مكانه حلو يعني قريب من ايفل والاماكن الحلوه 
وبعد تخبرني وين ممكن أروح في باريس بما إني بيلس فيها 3 ايام ياليت بعد توصفلي الاماكن كيف اوصلهن أو شي يساعدنيه في هالشي
وعشان ما نضيع بحكم أنها أول زياره لأوروبا وباريس تحديدا 
والسموحه
بانتظار ردودكن لا هنتن 
41 مشاهده ولا رد 
عندج هالفندق
Ibis Paris Cambronne Tour Eiffel
فاليوم 750 درهم
https://www.accorhotels.com/gb/bookin…Id=29632761829
والاماكن الي ممكن تزورينها فديتج هي كالتالي:
متحف اللوفر
برج ايفل
حديقه النبات
قصر فانسن Château de Vincennes
ومن الخلف القصر:
غابة فانسن
حديقه الزهورParc Floral
حديقه الحيوانZoo de Vincennes
متحف الفنون الافريقية قوس النصر L’Arc de Triomphe
ومن خلف القوس:
شارع الشانزلزيه شار حلووووو واااايد للشوبينج
ميدان الكونكورد
حدائق التويلرى
قصر العدل
كاتدرائية نوتردام
ديزني لاند
https://disneyland.disney.go.com/cale…efault/2016/02
وان شاء الله اكون فدتج غاليتي
بس يبالها اقل شي 5 ايام عشان تلحقين تشوفين هالمناظر كلها
او حل ثاني لازم تنشين من الساعه 7 ههههههه عيل عشان تتمشين براحتج يالغلا
وان شاء الله تستانسون
والله يحفظج ويوفقج ^^
بس يعني افداج هذيلا الاماكن كيف نوصلهن مشي والا بالمواصلات ؟.gif "12 (37)")
وشي ثاني ههههه ماصدقت حد يرد 
بتخبرج اذا ابا اروح في القطار دولة ثانيه
كيف اعرف اي محطة قطار الزينه وكيف اعرف مكانها والحجز واذا ماعندج علم مسموحه 
واتمنى اللي عندها معلومات بخصوص باريس والا ارشادات تراني في امس الحاجه لهن <<حلوه أمس
ممكن تروحينها مشي عادي
او تاخذين تاكسي للاماكن بعيده
وبالنسبه لبصات السياحه حلوه بعد اسالي عنها الفندق الي بتنزلين فيه وبيساعدونج يالغلا ^^
بالنسبه للتنقل من دوله لدوله عندج بوايد طرق يا طيران داخلي او قطار او تستأجرين سيارة
انا بنظري اشوف استأجر سيارة احسن لاسبااااااااااااااااااااااااااااب واااااااااااااااااايده
مابخلص لو بععدها لج من كثر الي شفته خخخخخخخ
ويفضل تحجزين السيارة من مكتب عالمي عشان اي مكان تبونها يستلموها يكون لها فرع وهاه الاحسن والافضل ^^
ان شاء الله اكون فدتج عزيزتي
ممكن تتنقلين بالباصات ،، أوفر من التاكسي بس تقرين اسم محطتج عشان ترديلها ،،
واذا لو دول ثانيه ممكن بالقطار
وتسألين في الفندق او تسيرين محطة القطار الكبيرة وتسألينهم عن وجهتج الثانية مثلا ميونيخ بيعطونج اوقات الرحلات الي توديج ميونيخ
او تأجرون سياره من محلات التأجير العالمية
avis
eurocar
hertz
وكمن شركة بعد وعادي تستلمينها من باريس تردينها في اي دولة أوروبية
الله يوفقج يارب 