فديتكن انا عند الام مب فاهمه شو سببها و هل هي شي يزيغ و لا لأ
انا بنت مب متزوجه واحس بألام في الثدي الأثنين وسرت امسات عيادة الزهراوي في راس الخيمه عندنا وسوت لي الدكتورة تلفزيون ع الثدي و قالت مافيج شي بس يمكن اللي فيج شد عضلي ام زياده في هرمون الثدي وسوت لي تحليل دم و باجر نتيجته عن الهرمون سؤالي الحين :
1- هل هرمون الثدي هو نفسه هرمون الحليب؟
2- و هل فيه وحده قبل لاتعرس عانت وحست بألام في ثديها بشكل غير منتظم ومب في مكان واحد كل حين اتيج نغزات في مكان ؟
3- و هل التلفزيون يظهر اذا فيه اي تكيسا او …………(( فهمتوا قصدي لأني ماحب اقول اسم المرض)) او لازم اشعة الماموجراف؟
دخيلكن ريحني لأني وايد زايغه بالرغم ان الدكتورة كمنتني بس بعدني متروعه و لا من شو هالتنغير في الثدي واحيانا احسه من الثدي للظهر واحيانا العكس وياليت اللي تعرف عن عيادة الزهراوي اذا زينه و لا لأ تقول لي؟ وبغيتكن بنات راك تعطني اسامي دكاترة و عيادات للنساء بس تكون ممتازة ابا ارد اتأكد لأن هالمرض منتشر جنه زجام الله يبعدني و يبعدكن عنه
ولا تنسوني من دعائكن خواتي والله خايفه
بس دام انه الدختوره ماقالت شي اطمني
وان شاءالله ماشووفين شر غناتي
واذا لقوو اورام فالتصوير التلفزيوني يسحبون عينه بالابره عشان يحددون اذا كان حميد او خبيث …
واذا انتي ما طلع عندج شي فالتصوير التلفزيوني معناته الحمدلله مافيج شي
وفي تغيرات فالصدر ادل انه فيه شي مب طبيعي .. مثلن يطلع دم او سائل بلون مثلن شفاف او اصفر او الخ .. من حلمة الصدر او يكون اليلد من برع متغير يعني شكله مب طبيعي .. او مثلن فيه كتله تقدرين اتحسينها بشكل واضح …
ويمكن الألم الي اييج يكون قبل الدوره باسبوع او في فتره الدوره وفي بنات اييهم ويع في صدرهم خلال او قبل الدوره وها شي عادي بسبب تغيرات فالهرموات …
وان شاء الله ماعليج شر ولا اتوسوسين وايد لانه الوسواس رووحه اييب الامراض 
ريحي مخج ولا اتفكرين وايد ودام الدكتوره قالت مافيج شي ان شاااء الله مافيج شي
اتمنى اتكونين استفدتي من الكلام الي قلته ^_^ مع العلم اني دكتوره ^_^