ما عليه ع العموم مشكورات ..
سيري فديتج المبزرة في العيين روووعة وحديقة الهيلي والجاهلي والعين الفايضة حلوووووووه
عموما جو العين حلو رح يعجبج حياج الله
حبوبه عندج دبي موول وايد روعه وخصوصاا انج بتستانسين بالشوبنق والسيييل والتخفيضات
وهناك بعد عيالج مااا بيخلونج تطلعين من الموول الا نص الليل لول
في كدزانيا لليهاال مدينه متكامله لليهاال يلعبون فيها ويتعلموون بعد
وفيه بعد مدينه ملاهي اسمها سيقا بعد في دبي مول وااايد عجيبه بيستانسوون اليهااال وحتى الكباار اذا عندج عيال في عمر الــ 12 وفووق
وفي مطاعم حلوه,, وبعد في الاولد تاون الي برع الموول من ورى وين النافوره الراقصه هنااااااك مطاعم ومقاهي وممشى روعه للعشى يعني على المسى
واذا بعد تبين تسكنين في فنادق وااايد هناك
وبعد
في دبي :: دبي ماريين روعه ممشى طووييييل في مطاعم و محلات على البحر و من جهه في مارينا مول وعلى المرسى يعني بحر و بحيره صناعيه وكل شي
و بعد في دبي صوب الجميرا حلو تروحون صوب البحر و تتعشوون هناك على الشاطي المفتوح كشخه
ومولات دبي وايد ماشاء الله والتنزيلات في كل مكااان والاسعااار وااو ^^
اما عن العين والله ماعندي خبر
هل العين بيفيدونج
العين مول والجيمي مول والبوادي مول وهذا اكبرهم وافضلهم
وبالليل ممكن اتسيرين صوب مبزره بيكون الجو احلي
واي استفسار حياج
حيااج في دبي…
طبعاُ بما أن الجو لايعلى عليه.. (( عليج بالمولاااات)) .. وتقريباُ معظم المحلات في السيل..
واذا الجو عليل في المسا.. عندج حديقة الخور.. وحديقة الممزر .. وحديقة زعبيل حلوه…
ويامرحبا بج
إن شاء الله بنروح العين وبنروح دبي .