امم بنات بتخبركم العروس اليديدهـ ..
شو ممكن تسوي فطور وغدى وعشى ؟؟؟
موب شرط يكون سهل بس ع الأقل اعطوني أسماء
يعني من الفطور تعطيني 4 أطباق مختلفة
والغدى بعد اربع .. والعشى بعد اربع ..
يكون شي حلو ولذيذ بنفس الوقت
.
.
ترى أكثر شي محيرني الفطور ما ادري احس ما ينفع له
غير سندويجات .. عطوني خبرتكم ..
والغدى ممكن أنوع فيه من دياي ومن سمك ولحم ..
بس العشى ؟؟؟
.
.
واسمحووولي طولت عليكم
ممكن اعطيج خيارات للريوق بغير رمضان مثلا :
فول بانواعه ممكن بالطماطم او الطحينه او بالزيت والليمون بس
ممكن بيض عيون او عجة بيض (بالخضروات و الجبن ) وممكن بيض مقلي عادي او بالفطر او مقلي عادي
بان كيك مع المربى او العسل
ممكن توست جبن مع الخيار والطماطم
ممكن اصناف مشكله لبنه وجبنه و زبدة ومربى و زيتون مع سلة خبز
وممكن ريوق اماراتي مثل محلى او خبيص او بلاليط او عصيده
وطبعا معاهم عصير او جاي حليب او قهوه
وبالنسبه للغدا ياكثر الاطباق هني ممكن تحصلين وايد خيارات
مثل
مجابيس بانواعها بدجاج او لحم او سمج
والبرياني بانواعه
او دجاج مشوي عادي
او مرق دجاج او صالونه
مرق لحم او صالونه
محاشي بانواعها
ثريد
سمج مشوي
ستيك لحم
كفته لحم
سمج مقلي
مع انواع العيش ( عيش ابيض او بالخضرواتي او برياني او بالعدس)
حبوبه انا اول ماتزوجت سويتلي دفتر كتبت طرق بعض الاكلات من امي وقمت كل يوم اطبق وصفه
والحين اقعد على المنتدى واطبع الاكلات اللي تعجبني واطبقها بالبيت
وكتب الطبخ خفايف وايد حلوه واكلاتها مقاديرها تمام انصحج اشتريها وطبقي بذمة وان شالله بتصيرين افضل طباخه 
والف مبروك حبوبه وموفقه دنيا واخره يارب
وعيبتني وايد الطريقة إنج تكتبين بالكتاب واطبقين
وأخيييييرا احس الامور صارت سهله
والطبقات حلوة للريوق والغدى بعد
وتسلمين غلاية وان شاء لله بنطبق
وجزاااااااكِ الله خيرا والله يوفقج مع ريلج وعيالج