بنتي . راس مالي

السلام عليكم

.
بناات بلييز ساعدوني …
انا عندي بنت عمرها 4 سنوات ونص وهي راس مالي ماعندي غيرها وهي عيوني وحياتي وكل شي بالنسبه لي ..

الله يسلمكم اول مايبت بنتي كانت عندها عدة مشاكل

اولها كانت عندها قصر في اعصاب ريلها يعني عظامها طبيعيه بس شكل الريل مب طبيعي بسبب قصر الاعصاب وقالولي تحتاج علاج طبيعي وتكون بخير والحمدلله الحين ريلها طبيعيه ومحد يقدر يقول انه كانت فيها شي والين الحين عندها مواعيد في مستشفى المفرق ومستشفى توام علشان ريولها

المشكلة الثانيه بنتي انولدت في اماكن من راسها مافيها شعر ابدا ولا فيها حتى منابت شعر وهي عباره عن دواير صغاار عدال بعض من بداية راسها لين نص راسها وكلهن ورا بعض فاول ماشافها الدكتور قالي مستحيل يطلعلها شعر وتحتاج عملية زرع يوم تكبر… بس انا سوييتله طااف وقعدت احط زيووت على شعرها وثوم وافرك راسها لين ماطلعاها شعر صح انه في بعض الاماكن مانملت شعر بس الحمد لله شي احسن عن لاشي… ولو تشوفوون شعرها ماتصدقون انه فيه مكاان مافيه شعر لان شعرها غلييظ واايد ومغطي كل الاماكن الفاضيه

المشكله الثالثه ان بنتي يوم انولدت كانت عينها ادمع بشكل مب طبيعي فقالولي ان عندها انسداد في مجرى الدموع وتحتاج تدليك وقعدنا ندلكها والحمدلله راح عنها

المشكله وييييييييييين…………

المشكله

ان اليوم وديتها المستشفى علشانها مزجمه بس لاحظت ان عينها بدت ادمع من فترره فقلت للدكتور فحولني على دكتور العيون ويوم شافها قالي بنتج تحتاي عملية توسيع مجرى الدمع

وانا بموت من الخوف عليها خلاص مافيني عقل افكر ولازم اتخذ القرار بسرعه وابوها محد عنده دورة ضباط يعني مااقدر اكلمه الاعقب 45 يوم

الحين شورو علي وين اوديها اي مستشفى ترشحون حد صارله مثلي ولا اتريا ابوها ايي

ياربي اشفى عيون روحي

الله يخليها لك ويخليكم لها يااااااااارب
الله يشفيها
انا عندي بنت بس
وعيونها كل يوم تدمع والله وسوست شكلي انشالله بوديها
وصلي صلاة استخاره
ولا عليها شر انشالله

نفس مشكلة عيون ولدي فديته وعمره 4 اشهر لكن ما حطيت فبالي ان المشكله جيه

خوفتيني والله

الله يشفيهم ويعافيهم

الدكتور قالي دايما دلكي عيونه و احطي له 3 انواع من القطرات 4 مرات فاليوم لكن اتييه فترات تكون طبيعيه ومرات ما يروم يبفتحها من كثر الدموع ……………………………..

شكلي بعرضه لدكتور عيون

انا برايي استخيري عدة مرات وعقبها اتريي لين يرد ريلج بالسلامه وشاوريه افضل

وجوفي راي اهلج بالموضوع..

الله يعافيها يا رب ويعافي عيالنا

اختي اللي اعرفه ان الدكتور ما يقرر عمليه على طول

يقعد يايبنج ومودنج اكثر من مرة يعطي العين فرصه

ولد اخوي كان جيه وكل مرة يقولوله

خله شهر وعقب نقرر ويلسوا على هالحال 3 شهور عقب سووله العمليه

الله يشفيها لج يا رب

وترى عمليه مجرى الدموع المسدوده ما تخوف الغاليه

وكثير من اليهال يتعرضولها

انا اعرف وحده عيالها الاثنين سوا العمليه وهكم ما شاء الله عليهم ما يشكون باس

الله يشفي بنتج و يعافيها ان شاء الله ،،
و رايي انتظري ابوها شي اكيد ..

انا ولدي من يبته عيونه جي و قالولي يباله عمليه اذا ماراح عنه بعد عمر السنه و تميت اسويله مساج علمني اياه الدكتووور و الحمدلله بعد 6 شهور راح عنه ،، و كان اذا زجم على طووووووووول اتزيد عليه عيووونه فلا تخافين ..

انا عرضته على الدكتور فيليب كوشي في المركز الطبي و قالي هالكلام و حولني على دكتور انف و اذن و حنجره عشان اشوف اذا عنده التهابات تأثر على العين و الحمدلله طلع كل شي سليم ..

الله يشافيها و يعافيها و تفرحيبها حافظة للقرآن الكريم ..

الله يشفي اي طفل مب صاحي ان شاء الله ويبعد عنهم كل مكروه …

اختي سويلها مساج عند مجرى الدمع يعني حطي صبعج من الحاجب ومشييه على تحت لين ما توصلين طرف العين يعني وين الدمع وان شاء الله باذن الله بيتوسع المجرى بدون عمليات وخربطان …الله يحفظها لج ان شاء الله