بنتي ما تشرب الحليب شو اسوي؟؟؟

ما بطول عليكن وبدش بالموضوع انا عندي بنية عمرها سنة واربع شهور كنت اعطيها حليب ادفانس من بعد ما كملت أربع شهور والكمية كانت رضعتين الى ثلاث رضعات باليوم مع الرضاعه الطبيعية و الحمدلله بس بعد ما كملت السنة وديتها لدكتور أطفال عسب انها وايد ضعيفه وجان ايغير الها الحليب من ادفانس الى نان بس للاسف بنتي بعدها كرهت الحليب نهائيا وحاولت ارجع ادفانس الها بس بعد ما قدرتها تشربه و البارحة خذت الها نيدو بعد ما رمتها تشربة
والله اني تعبت منها وهي اكلها مب من زينه بلللللللللللللللللللز ساعدوني

سنة و اربع شهور .. جربي معاها حليب المراعي ..

و اذا تقبلته .. حطي شوي معاه حليب بودرة لان يقولون الحليب الطبيعي ينقصه الايرون ..

على كل حال ما عجبه .. انا اخلي ولدي يشرب حليب بالكاكاو او الفروله دامه يشوف اخته و يلاحقها من مكان لمكان ..

او جربي انج تغيرين له المرضاعه يعني صح انتي تشوفينه صغير بس سوي نفسج تشتربين من كوب الاطفال اللي تعدوا 6 شهور و هو بيحب يقلدج …

شريت الها نفس كوبي ما شي فايده وجربت حليب الفراوله تشربه ولما تطعمه اتفره حتى اليهال ايبهم عشانها واشربهم معاها و جدامها بس ما شي فايده معنها ما كانت جذه الا من غير الها الحليب