بنتي والتأتأه

هلا حبوبات شخباركم , اسمحولي بدخل بالموضوع على طول , بنتي عمرها ثلاث اسنين وتسع شهور من اسبوع تقريبا لاحظت عليها تعثر بالكلام ,يعني يوم ترمس أتأتئ بأول كلمه , مع أنها كانت طبيعيه بس من اسبوع ما أعرف شو استوى فيها … وايد أحاتي هالسالفه خاصة أنها بسير كجي ون هالسنه ,أهي ما شاء الله عليها ترمس عادي ومخارج الحروف عندها أوكي ,والحمدلله الظروف فالبيت زينه يعني من الناحيه النفسيه ماشي مشاكل … ريحوا بالي وطمنوني … وأنا ناويه الاسبوع الياي أوديها عند مختص …أتريا ردودكم على أحر من ألجمر ….

الله يعافيها يااااااااااااااارب

الله يعافيها وديها الغلا احسن حتى تطمنين

سبحان الله مثل ولدي صار يتأتأ وكان نفس عمرها بالضبط وانصدمت والله لأنه الموضوع فجأة ياه وكان بعمر الروضة وصراحة ما ركزت على الموضوع وراحت التأتأة مثل ما يأت بس إذا وايد متضايجة من الموضوع وديه اخصائي ..

مشكوره الغاليهSALLEYعلى ردج اثلجتي قلبي … إن شاء الله مشكله عابره ….

نفس حالة بنتي
أنا وديتها لمختص النطق وقال هذا شي طبيعي بعد فترة بترمس زين وقال بعض الحالات بسبب الخوف*

اعتقد بسبب تراكم المعلومات اللي بدها اطلعها فتتخربط فبتأتـأ