السلام عليكم خواتي العزيزات
عندي مشكلة و اتمنى لو حد يساعدني فيها….
بنتي عمرها 3سنوات و نص و ما تشرب حليب ابدا…لا بارد و لا دافي… لا عادي و لا بنكهات…جربت معاها حليب بالكاكاو و الفراولة و ما نفع …جربت سخنته مع هيل و سكر..و مرة مع فانيليا و سكر ما تتقبله على طول ترجع…شو اسوي معاها هي صعبة جدا في الاكل…و اعطيها فيتامينات و بعد ما في فايدة…الحين الاحظ سواد تحت عيونها….
ساعدوني الله يبارك لكم في عيالكم….
الغاليه الحليب مش من الاساسيات في هذاالسن لان الكل يعوضها
ترى الكالسيوم مش من الحليب بس الجبن بعد غني بالكلسيوم والروب كل الاطفال يحبون الروب مع العيش
ترى الكالسيوم مش من الحليب بس الجبن بعد غني بالكلسيوم والروب كل الاطفال يحبون الروب مع العيش
وحاولي تسوين لها ميلك شيك (حليب فرش×ايس كريم×قطع جلكسي×فراوله)وخليها تسوي معاج وسوو كوبين حقج وحقهاوانشاء الله بيعجبها
اذا وااايد خايفه عليها وديها لامستشفى بس بيلعوزونها بفحوصات ودم
ع العموووووم طمنينا
مشكورة اختي و يزاش الله خير….الله يفرحش باولادش ان شالله
بحاول مثل ما قلتي لانها تحب العيش مع الروب و الايس كريم
هـلا الغاليه انا بصراحه بنتي ما تشرب الحليب لا بارد ولا حار بس حاولت اخلطت الحليب مع اللبن والله ونفع معها .. وجربي يمكن تتقبل
شكرا جزيلا…ريم الفلا و بحاول اسوي مثل ما قلتي
حطي لها في عصير الموز او المانجا عيالي يحبون العصير الفرش جذيه واشربي جدامها بتتشجع ان شاء الله