تتذكرون الموضوعي عن نبض الجنين جزء الثاني

شخباركم بنات تتذكرون موضوعي عن توقف نبض الجنين اللي موجود عندكم بالرابط

https://forum.uaewomen.net/showthread.php?t=918533

المهم الله يسلمكم اليوم قرروا يسوولي تنظيف لانه الجنين ما نزل شربت كل شي ولا راضي ينزل المهم رحت لدكتوره وقلت لها ان الجنين ما نزل وقالت لي روحي عند الدكتور عسب يشوف الجنين بالتلفزيون الكبير ما اعرف شو اسمه وعقب رحت لدكتور وعطاني ورقه مكتوب فيها وايد كلام وانا ما اعرف اقرى انجليزي المهم رحت مره ثانيه حق استشاريه مال الولاده وقالت لي الجنين زين وما فيه شي وراوتني يتحرك وفيه النبض بس كيف ما اعرف سبحان الله وقت نبض الجنين من شهر والحين رجع النبض كيف وبصراحه طلعت من دكتوره وانا منصدمه والمشكله الحين خايفه ع الجنين لاني كليت اناناس وشربت قرفه وحبه الحمره وهي قالتي ان حملي متاخر يعني المفروض انا مخلصه الثالث بس بين عندهم اني باسبوع الثامن يعني توي مخلصه الثاني وقلت لي يمكن التبويض صار متاخر فمنو منكم صار لها شراتي وهي بعد ما اعرف مده اللي بدش فيها كل شهر يعني باي تاريخ بخلص الثلاث شهور احس اني ملخبطه ما اعرف شي ساعدوني ….
ادعوا لي الله يثبت حملي ويرزق كل محرومه الذريه الصالحه عاجل غير اجل

الله يثبته لج و يحميج يارب ….

مبروووووووووك يا عمري …

سبحان الله
الله يثبت حملك يا رب

وتوكلي على رب العالمين

مبرووووووووووووك

والله يثبته وتفرحين بشوفته

ياسبحااان الله
فدييته حي وكانو يبون ينزلونه
الف مبرووك غناتي وتحملي ععمرج
وودري الوسواس لو له عمر مابيطيح

مبروووك الف مبروك انا كنت متابعة موضوعج الاولاني ووايد حزنت ديري بالج على عمرج ولا تحاتين انا في ولدي كلت انناس وشربت جرفة والحبة الحمرى وانا ما اعرف اني حامل عساس بنزل الدورة خخخ الاخت واثقة مافي حمل واخر شي اكتشفت اني حامل كل شي بايد الله حبيبتي ديري بالج على عمرج والف مبروك وربي يتمم حملج على خير *