تجارب وﻻداتكم ف مستشفى القاسمي

السﻻم عليكم ورحمة الله وبركاته

مساء الخير للجميع
اشحالكم ان شاءالله بخير وعافيه

حابه انكم تشاركوني ب آراءكم

ابا اعرف تجارب وﻻداتكم في مستشفى القاسمي
وخاصة اللي ربوا هالسنه واللي بعدها ما ربت وتراجع ف مستشفى القاسمي
اتقولي كيف اﻻهتمام من قبل الدكاتره وعند منو تراجع ومنو أحسن دكتورة
وشكرا مقدما

انا بالصراحة اراجع في ابوظبي
بس اربي في القاسمي لان اهلي في الشارقة
انا عن نفسي شفت الولادة عندهم اوكيه مع اني اسمع بعض الحريم يذمونه وما شاء الله عيالي الثلاثة كلهم يبتهم في القاسمي بس الرابع يبته في مستشفى لطيفة وحسيت دبي افضل لان يحطونج في غرفة بروحج القاسمي تكون مشتركة الا اذا طلبتي يمكن يعطونج
وشي لاحظته بعد على حسب النيرسات اللي تكونين معاهم انا الحمدلله في ولاداتي كلها مريت على نيرسات حبوبات وصبورات
والله يسهل عليج ان شاء الله

مشكورة حبيبتي بس الحين مغيرين نظام دور الثاني خاص للمواطنين واما دور اﻻوا للوافدات
انا اول وﻻدتي كانت ف لطيفه ماحبيت خياطتهم

لي صديقه ربت فيه وخبرتني كويس بس من فترة ما ادري اللحين كيف ان شاء الله الاخوات ما يقصرو

انا ربيت فيه ف
عيالي الاثنين والحمدلله الامور طيبه واتمنى اتم جي لني بربي
هناك بعد ف الثالث باذن الله ..

فديتج اختي ايام أول كانت زحمة فظيعه ع القاسمي
عسب جي تحسين الكل يذم لان عدد السسترات و الدكاترة شوي مقارنة بالمرضى
بس الحين لان حكومة الشارجة عندهم تأمين فتحسين الضغط خف ع المستشفى
و عندهم مبنى يديد بيكون للنساء و الولادة ف بيتغير الوضع

بالعكس انا وحدة كنت اذم المستشفى بس من فترة مريت عليهم و صدق متغيرين وايد للاحسن
و السسترات رحومات وايد و اسلوبهم لبق و يهتمون بالمواطنين

الله يقومج بالسلامه