شحالكم خواتي
منو منكم بتبدأ وياي مسابقه رجيم يوم الثلاثاء 24-3
يعني ورى باجر
اللي بتشارك
تكتب الوزن و الطول و الهدف و اسم تقترحه للمسابقه
و الرجيم بحطلكم اياه اليوم ان شاء الله
و انا ببدأ
وزني: 79
طولي: 169
الهدف الأول: 70
الهدف الأخير:45
و اذا ضعفت أكثر مابقوول لا هع هع
يلا منو بتتحداني( كل متينه لازم تضعف << لين متى يتموون متان يعني؟ )
الرجيم اللي ضعفت عليه 2 كجم في اسبوع
بكتب لكم رجيم صحي 100% من خبراء في التغذية
انا جربته وناس وايديييين جربوه
ينقص من الوزن 16 – 18 كجم في الشهر الواحد
بمعدل 4 كجم في الأسبوع على الأقل
هام: هذا الرجيم للناس الي وزنها زائد فقط
—————
الفطور: بيضتين مسلوقتين + نصف كوب كورن فليكس + حبة فاكهة ( كنت اكل جريب فروت)+ حليب قليل الدسم(بدلته بخالي الدسم)
الغداء: صدر دجاج مشوي أو مسلوق + سلطة خضار + خبز بر + حبة فاكهة
العشاء : صدر دجاج مطبوخ مع خضار + سلطة + زبادي قليل الدسم ( قبل النوم بساعتين ) (انا زدت جريب فروت).
وجبات الجوع : ماء, زبادي قليل الدسم(بدلته بخالي الدسم), سلطة خضار جافة(بدلته بخس)و(وانا زدت اناناس ).
الممنوعات :
عصيرات الفواكه
أي شيء كامل الدسم
المعجنات
الحلويات
المشروبات الغازية
اي شيء فيه دهون
المايونيز
والأهم من هذا كله الكربوهيدرايت ( الرز , المعكرونة , الخبز الأبيض )
————————–
نصائح مني أنا:
1- الأكل البطيء ( مو لازم تأكل/ي في 10 دقايق لو صارت ربع ساعة في مشكلة؟ )
2- عدم ملء البطن ( يعني مو لازم تحس/ي انك شبعان المفروض تحس/ي انك مو جوعان وبسس )
وطبعا مع الرياضة ( المشي بس على الأقل ) ينقص الوزن 20 كجم بالشهر
3- كثروا من الماي و خفوا من الملح لانه يسوي احتباس للسوائل اللي فـ الجسم
أترياكم
وزني 100
هدفي الاول 80
و هدفي الثاني 60 كيلو
اترياج
و اللي بتي حياها الله
و كل اسبوع بنوزن
البدايه يوم الثلاثاء
و الرجيم اللي بتبعه
https://www.forum.uaewomen.net/showthread.php?t=295269
جربته و ضعفت 2 كيلو في اسبوع
يلا عشان نسوي قائمه للمتسابقات و اوزانهم
انا وايد متحمسه << يارب اتم متحمسه لين نهاية الرجيم
دلال الشوق ما كتبتي وزنج الحالي و طولج…
الموضوع حلو فيه تحدي
وزني 66
طولي 161
الهدف 58