فى البدايه حب اضع موضوع عن كل طرق التلاعب و اساليب الاستغلال الى بتواجه كل السياح فى مصر
اولا : الاهرامات
طبعا فى مدخلين بيوصلو للاهرامات المدخل الاول هو اخر شارع الهرم و هو المدخل الاساسى
المدخل الثانى هو على ترعه المنصوريه و هو المدخل الفرعى
صرق التلاعب هناك كالاتى
اول ما تروح على الاهرامات من الطريق الاساسى تلاقى ناس بتحاول توقف السياره و تقولك ممنوع طلوع السيارات و لازم تاخذ التذاكر من هنا
طبعا الجماعه دوول نصابين هم اصحاب الحناطير و الخيول و بيحاولو يفهمو الناس ان طلوع السياره ممنوع ومن اسلوبهم و طريقتهم هتقتنع و طبعو بيقولو للسواق ((ركبهم خيل عند بالقاسم ))يعنى اى حاجه تطلع من الزبون هنقسمها سوا)
و لما تنزل يقولك اثبات الشخصيه اذا مش معاك يقولك التذكره ب 60 جنيه الفرد و اذا معاك ب 2 جنيه
طبعا التذاكر الى هيعطوك هى مكتوب عليها 60 جنيه هى للاجانب
و اشتراها قبلك 100 واحد و بيرجع ياخذها منهم بحجه انه ادخلكم بيها المعبد و يبيعها لحد غيرك مره تانيه
طبعا المفروض انك تطلع بسيارتك الى شباك التذاكر و تقص التذاكر بنفسك و مافيش حد هيطلب منك اى اثبات شخصيه ما دام انت عربى و تدفع 2 جنيه للفرد
و بعد كده تكمل مسيرتك داخل الاهرمات بالسياره
ومهما حاولو يقنعوك انه ممنوع السياره تطلع و لازم توقف فى الموقف و تاخذ حنطور دا نصب فى نصب و طبعا بيكون فى اتفاق مع السواق عشان النسبه ( بالقاسم )
بعد ما تخلص جولتك فى الاهرامات يوقفك السواق عند محلات بيع ورق البردى و العطور و السجاد اليدوى و نفس الكلام (بالقاسم )
ثانيا القناطر
طبعا القناطر عباره عن رحله نهريه تشوف من خلالها قناطر محمد على باشا و و بعض فلل الممثلين و تفرع نهر النيل ل فرعى دلتا و رشيد و يوقفك عند منطقه فيها عسل (مغشوش)
اول ما تروح هناك يقولك فى رحله كبيره و رحله صغيره
الرحله الكبيره ب 600 جنيه و الرحله الصغيره 500
طبعا ما فيش اى فرق بين الرحلتين غير انهم فى الرحله الكبيره بيهدى سرعه المركب عشان تاخذ وقت اطول و لكن هو بيقنعك انه فى اشياء تانيه هتشوفها فى الرحله الكبيره
طبعا السعر الاصلى للقناطر لا يتجاوز 100 جنيه يعنى نقول من 100 الى 150 جنيه اكثر من كدا لاااااا
طبعا بيكون ما بينهم و ما بين السواقين اتفاق النص بالنص يعنى لو دفعت 600 لهم 300 و للسواق 300
طبعا غير كدا لما يوقفك على مكان بيع العسل طبعا نفس الكلام بيكون هو رافع السعر عشان صاحب المركب ليه نسبه و برضو السواق ليه نسبه
و العسل اساسا مغشوش 100%
بيقولو فى عسل سدر طيب حلو احنا اساسا فى مصر ماعندناش شجر سدر من فين هيطلع عسل السدر !!!!!
و برضو هيركبك حنطور هناك و نفس الحكايه يرفع السعر عشانه و عشان السواق و هكذا الوضع فى القناطر
و من راى انه لو الواحد ياخذله مركب من قدام رمسيس هلتون الساعه ب 40 جنيه هى هى نفس المركب الى موجوده فى القناطر مع اختلاف المكان فقط
ثالثا المراكب النيليه الصغيره
سعرها الاساسى 40 جنيه للساعه فى الشتاء و فى الصيف قول 60
هتسمع اسعار 150 و 200 و 300 على حسب ما يقدر يضحك عليك و برضو كل شى ( بالقاسم )
رابعا الحناطير من قدام رمسيس هلتون
السعر الاساسى 20 او 25 الفه
هتسمع اسعار 100 و 90
شكرا
بس ع فكره نحن دخلنا الأهرامات… من البوااابه الرئيسيه… وماخلونا ندخل لدااخل بالبااااص!!!!!!
وسعر التذكره حسبوها علينا بسعر الأجااانب…
والحنطور كذالك…
والنيل…. ألخ…
كل شيء مضااااعف..
أبداُ ماحبيتها…
احنا يوم بالاهرامات تنكرنا على ان احنا مصريات خخخخخخخخخخخخخ ضحكنا عليهم ايه بعد يبون يلعبون علينا