كيف الحال؟
اعرف ان في ناس بتحتج على الموضوع ان بيقولون الزواج سنه الحياة
وان هذا الكلام مب للنقاش وكل وحده بتاخذ نصيبها
بس هو سؤال يطرح نفسه ارضا؟!
انتوا معاي ولا مب معاي ان الزواج في هذا الزمان ماله داعي خاصة للبنات
مااعرف لي فترة افكر في الموضوع
ومب قصدي شي او ان على قولتهم سوقي بايره عشان جي قاعده تتفلسف علينا
لا الحمدلله تقدم لي كم واحد بس
رفضت لان الاغلب يتقدمون بس عشان اونه عندها شهاده وبنشغلها عشان تصرف علينا!
وفي منهم مايستحي عنده حرمه وعيال بس يريد حرمه تشتغل له وتدفع مصاريفهم
وصار تفكيري دايما ان الانسان ماينفعه الا نفسه(اللهم نفسي)
ماحس ان الزواج بيحسن شي في حياة الانسان
احسه تحصيل حاصل
يعني في حريم يشتغلن ويصرفن على عمارهن الحمدلله وامورهن مستوره
في حريم صح عايشات والزوج يصرف بس بعد تحسين مذله يعني
في الاخير تطلبين منه فلوس
وربي عياله
هم صح عيالك بس عياله يعني لو قصرتي لو بشي بسيط بتسمعين مواويل منه ومن هله
يحس نفسه ملك الحرمه مادري باي قانون بس ملكها
ويوم يكبرون كل له حياته وياما رياييل اتزوجوا على الحرمه يوم كبرت شوي
يعني في الاخير اللهم نفسي
شو رايكم؟؟؟
اعرف ان في تجارب ناجحه كثثثثثثثثثثثثثثثثيرة
والزواج سنه الحياة
بس احسه ماله داعي صاير في هذي الايام
في بنات يهذن به عشان غيرهن بس اتزوج ومايحبن حد يغايظهن او بسبب رغبة الاهل والخوف من كلمه عانس !!!!
او يمكن مايحبن الشغل فيقعدن في البيت ويحبن يربن عيال وجي
وفي ناس يريدون عيال بس بعد العيال اخرهم كل واحد بيدور نفسه يعني مب قاعدين في اخضان اهلهم ولا كل شي حاضر وحاضر
لهم حياتهم
ومافي حد دايم لحد
بس ماحسه مهم
صح في زواج مبني على العائلات ولي احسه احسن شي لان يعتمد على تقليد العائلة والريال بيحترم الحرمه لانها من ضمن افراد عائلته وجي
يعني مثل بنت عمه بنت خاله الخ يعني مب متطلب وايد غير الستر وتوطيد روابط الاسره وخلاص
مثل مايقولون العائلة الممتده 
اتصور اني بتفلسف وايد بس حبيت اطرح الموضوع
عسى ان نهتدي الى طريق الصواب
بس في الاخير نصيب
ولا تحسون انه مهم بس للي بيقدره؟!
مشكورات 
في زواجات فاشله اواااايد انا وياج لكن يظل الزواج ستر للبنت وفي المقابل رياييل وايد عندهم عزة نفس واخلاق
الله يرزقج الزوج الصالح اللي يقر عينج ويغنيج عن الشغل انتي وكل بنوته
فطرة الله في الكون تخيلى بس نتوقف عن الزواج لاى سبب كان
بيصير انقراض لبنى البشر خخخخخخخخ
احس انى طلعت من الموضوع المهم
هذى العلاقه والرابط المقدس من الله يختلف بين بنى البشر
ولا نقدر نحكم على الوضع بشكل عام بسبب تغير
النفوس والحاجات ومتطلبات الحياه
ينولد ومكتوب معة قدرة والزواج من الأقدار مثل آي قدر
فنجد ناس عاشت وماتت ولم يكتب لها الزواج والأنجاب وتكوين عائلة
ومنهم تزوج وتزوجت مرة وثنين وثلاث الخ ——
وسؤالك هل الزواج مهم حتي الرد علي هذا السؤال مختلف حسب ان الأنسان مسير لما خلق له في ناس وجدت سعادتها بالعلم والبحث
وخدمة قضية معينة —
ومنهم تزوج ونجح بحياتة العلمية والعملية
ومنهم تزوج وأنجب لكن همة عملة ونجاحة ولم يشعر بعائلتة وكأنهم مجرد تكملة للصورة
واذا نظرنا للحقيقة الأساسية بخلق الأنسان وهي كي يعبد الله ويعمل كي ينال رضا الله ويعمر للدار الآخرة
ويفهم أن ما يمر به بحياتك ما هو غير أختبار فهل يشكر أم يكفر —–
والعقل السليم من يتقبل حياتة بكل ما كتب علية الله من أقدار من زواج أو عدم زواج من فقر او غني من صحة او مرض —
كن علي يقين بهذة الثلاث
لا أحد أرحم بك من ربك
ولا أحد اعلم بهمك أكثر من ربك
ولا أحد يقدر علي رفع الضر عنك إلا ربك
فاستعن بالله وألجا إاليه في كل حين يكن لك فوق ما تريد — ولو كان الأنسان يستغفر اكثر مما يشتكي لوجد راحته قبل أن يشتكي
الخلاصة كون مع الله يغنيك وتجد راحتك الكاملة —-
اولا لنعبده ثانيا لعمارة الارض
وعمارة الارض كيف بتم بدون زواج؟؟!!
وسبحانالله اللي وضع لنا بالزواج احتياجات
مثل العاطفة والجنس والامومة
فبرايج كيف بنروم انحصل على هالاحتياجات بدون الزواج؟؟؟
طبعا ممكن نسوي سوات الاجانب لا مسح الله
او الانسان يعيش بتعب وحرمان
وليش رب العالمين وعد الانسانه العازبة اللي انحرمت من الزواج ومحافظة على عمرها بالخير الكثير في الجنه
لانه سبحانه الاعلم ان هالانسانه انحرمت من وايد وفقدت وايد
وعشان جي وعدها بالعوض
والواضح اختي انج صغيرة بالسن عسب جي تفكرين بهالطريقة
لكن يوم تكبرين وبتشبعين من مغريات الحياة وبتبتدين ادورين على الاستقرار بتغيرين طريقة تفكيرج