عضوات منتدانا الجميل صبحكم الله بالخير
فيه شي لفت انتباهي في الفترة الأخيرة ان المواضيع في هذا القسم ليست بالممتعه والمفيده اغلبها يكون سؤال من عضوة اواستفسار
في أول اشتراكي لهالمنتدى كنت طالبه في الجامعه كنت دايما ادخل قسم البشرة كان مفيد وممتع ورائع استفدت منه الكثير لكن اليوم ولا انكر وجود مواضيع شيقه من عضواتنا العسل
لنتعاون جميعا لإحياء هذا القسم واعادة الرونق والنشاط ممكن اقامة مسابقات او وضع مواضيع مفيده مدعمة بالصور
لكل ما هو جديد في عالم البشرة اليوم التجميل في البشرة تطور جدااا وهناك الكثير من العلاجات ممكن نتناقشها او نتبادل خبراتنا مع بعض
اتمنى التفاعل من العضوات
انا صار لي شهر ادخل اشوف نفس المواضيع انصدمت قلت ليش محد ينزل قلت اخبركم كلكم نتفاعل وننزل مواضيع ودايما للفايده يكون الموضوع مفعل بالصور
الي عندها افكار حلوة للقسم تطرح الفكرة
انا كل ماقول حق ربيعاتي ان احدر منتدى سيدات الامارات يضحكون عليه ويقولون غباااااار غبااااااااار هههههههه
احينه كل العالم بتويتر و الوتس اب وفيس بوك والكيك ومادري شوو
ان شاء الله الكل يفيد و يستفيد
بس فعلا مثل ما قالت الأخت …المنتديات باتت اعشاش مهجوره والكل اتجه للانستغرام وتويتر
التاجرات شردو من المنتدى للقيود المفروضه عليهم ,,,,بالانستغرام ماخذين حقوقهم كامله
البلوغرات بعد عالانستغرام وعلى قنواتهم الخاصه باليوتيوب وهالشي وفر عليهم وقت وجهد كبير وطبعا عطاهم مجال أوسع للانتشار
العضوات العاديات بعد يراسلون عتويتر او انستغرام اسرع واسهل لهم
ولاتنسون الحين عصر الموبايلات الذكيه يعني الانسان يطلب التصفح الأمن والسهل والسريع عالموبايل وهالشي مب متوفر للمنتديات
أغلب العضوات اللي كانو يشاركون وينزلون مواضيع الحين نادر ما نشوف حد منهم تفضل بالمنتدى واللي موجود ويحب يشارك يكسل ويتراجع عن المشاركه لانه الردود تكون محبطه سواء من ناحية الرفع او حتى الشكر عالمجهود بالتالي يلجئون للانستغرام لانه يعطيهم تواصل سريع
وبعد لاتنسون الحين سناب شات اللي خرب على الانستغرام بعد