تعالو سمعو

بنات اانا وايد مضايقه لاني 6شهور اخذ كلوميد ومافيه فايده والدوره ماتنزل الا بحبوب وهالشهر ببدء في الابر
السالفه ومافيها اعرف وحده من اهلنا امعرسة من شهرين واحينه حامل صح هذا نصيب ب استغفرالله يارب سامحني بس هاي البنت يتها فتره تعرفت على وحده وياها في الجامعه وعلمتها على امور الشباب والتعرف والطلعات وطبعا هيه كانت تطلع وياهم وتصرفاتها تغيرت المهم الله يستر على الكل
انا ابا اعرف يعني استغفر الله اقول في خاطري انا الشريفه اللي عمره محد مس شعره من راسي وماحملت كيف البنات اللي لهم سوابق يحملون
والله خاطري وايد مكسور شو اسوي؟؟؟؟؟؟

الله يرزقج يااااارب وتفائلي بالخير والله يكتب اللي فيه الخير..

استغفرالله
اختي شو ها التفكير ابعدي عنج وسواس الشيطان

اختي هذا رزق من الله…

الله اذا حب عبده يبتليه…عشان شوف الصبر بني ادم…

استغفري ربج

الله يرزقج من حيث لا تحتسبي

استغفر الله العظيم
اختي ماعليج من حد كل واحد والله كاتب له رزقه واذا الله راد انج تحملين بتحملين بلمح البصر
وكل شي بيد رب العالمين .
والله يرزقج ويرزقني ويزق كل محرومه بالذريه الصالحه .

اختي هذا رزق و نصيب من رب العباد مب من ايد الناس وكل واحد يحمد ربه ويكون قنوع في الي الله رزقه عشان يوسع عليه واذا كل وحدة بتطالع الي عند غيرها ما بنخلص , داومي على الاستعفار وبعدي عنج هالتفكير واحمدي الله على كل شي ان كان خير ولا شر انا ساعات لما افكر في ان حملي تأخر وكل الدكاترة يقولون لي كل شي عادي والاشيا الي تعانون منها ما تمنع الحمل اقول اكيد في حكمة من الله في هالشي ومحد يعرفه بس اكيد اكيد خير فكوني على يقين ان الله كاتب لج الخير

قال تعالى : {يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ}
سورة الحجرات الآية 17
أختي الكريمة الكلام إلي تقولينه حرام والأية كفيلة ترد على كلامج …
هل نحن نعبد رب العالمين عشان يجازينا بالمثل والعياذ بالله ؟!
وبعدين الله يرزق الكافر فكيف بالمسلم !!
والبنت الله ستر عليها ما يجوز الي تقولينه وتخيلي البنت تايبة توبي واستغفري الله المستعان …
وقال عليه الصلاة والسلام : من ستر مسلما ستره الله يوم القيامة . رواه البخاري ومسلم .
استغفري ربج وإن شاء الله ربج أكرم من الكل وان شاء الله بيرزقج وبيرزق كل محرومة يا رب العالمين …