حبيت اكتب في هذا الموضوع بعد ما تعبني وضايقني نفسين ويابلي التعب
قلت لازام اكتب وشوف ردكن ترا ناس ما عندها خلفيات شو يوفر رب الاسره
المهم ربيعتي يالسه اتقولي عن عيالها ابدا ما يساعدونهم في البيت وهم متزوجين وعندهم عيال ومعاها فالبيت وان البيت محتاج اشياء وااايد رواتب الخدم ومصروف البيت واكثر شي المطبخ ومواد النظافه وفواتير الكهرباء والماء ومن غير الصيانه ولا هم سألين عن شي كانهم بعدهم صغار ولا كانهم يستلمون رواتب ..
يالسه اقول الغلط من الاب والام هم ما عودوا عيالهم وهم صغار الدنيا مش اخذ وبس لازام عطاء بعد..
الحين وين دور الزوجه ليش هيه ما تفتح زوجها اذا الاهل مش معودينه لازام يساعدون ابوهم يعني هو رباهم وهم صغار وبعد يبونه يربيهم ويعيشهم بعيالهم وهم كبار في زمتي ما بيستون ريايل ولا حد بيعتمد عليه
راح ينفع البنات الى بعدهن في بيت اهاليهن..
والمتزوجات الى في بيتهن ويعودن عيالهم ان يتحملون مسؤليتهم سوا في اسرته او اهله..
والي الحين بتتزوج ما تكون مالها حس في بيت عمها وعمتها لازام تثبت وجودها ..
والي ميته ولا تهش ولا تنش اقولها يالله نشي بسج من الرقاد
واطرح هالموضوع هذا وابا الرد عليه وانتظرى ردكن
الحال من بعضو عندي خوان مايحسو بشيء من المسؤلية
متى راح يعتمدو ع نفسهم ماعرف ؟؟؟؟ رغم عندهم عيال !!!!
أحسن الغلط من الوالدين ف البداية راضين ع كل شي ……………..
المشاركة الأصلية كتبت بواسطة Just Pearl 
الحال من بعضو عندي خوان مايحسو بشيء من المسؤلية
متى راح يعتمدو ع نفسهم ماعرف ؟؟؟؟ رغم عندهم عيال !!!!
أحسن الغلط من الوالدين ف البداية راضين ع كل شي ……………..
الغلط من الحرمه هي بعد لازام اتقول لريلها انه يساعد اهله
نبا رد العائله المتعاونه بعد كيف متعاونين في تحمل مسؤلية البيت وكيف موزعين المهام على كل واحد
وليش ما اتكوون الام صريحه مع اعيالها واتقوللهم كل واحد فيكم له مسؤوليه في البيت
واللي ماراح يحط شيء في البيت يظهر من البيت
لازم اتكون شديده معاهم .ز ولا تستهين في هالامور عشان انه هذيل اعيالهم
اذا اهله ما ربوه على تحمل المسئوليه
الحرمه مو هى الى بتربيه يمكن تقووله ولالا تنصحه
لكن صدقينى الواحد على تربيته
والمفروض يحطون صرفه للبيت وهذا الشي الابو يطلبهاا منهم
يعنى مفروض اقل شي 3الف في الشهر كل وااحد من الشباب يسلمهاا
ابوه ولالا يمسك كل شهر ميزانية البيت وااحد منهم
من مصروف المطبخ والخدم والماى والكهرباء
وكذيه رااح يعرفو كم البيت يحتاج
والله يهديهم
ماشاء الله في عيال يساعدون اهلهم بكل شي بس بعضهم
يحبون كل شي جاهز جدامهم؟؟
حجتهم أنهم بعدهم فبيت أبوهم ومب مسؤالين عن البيت ويوم يطلعون
بروحهم بيت بكونون مسؤالين عنه؟؟
المفروض أن الأم تقولهم وتنصحهم يعني خلاص عرسو وبس!!