تعالي اكتشفي مفتاح تحقيق الامنيات ويـاي !

استوقفتني الآية وااااااااايد .. ظليت ارددها وارددها .. كأني أول مرة أقراها ..

تدرين يا اختي ويا حبيبتي كيف فهمتها ؟!!

يعني اهم شي قلبج ونيتج .. اذا كنتي مخلصة النية من قللللب وصادقة بالنية .. كوني ع يقين ان ربي بيعطيج كل خير

خاطرج في وظيفة؟ => اخلصي النية وصفي قلبج واجعليها لوجه الله ..

خاطرج في دراسة ؟ => اخلصي النية وصفي قلبج واجعليها لوجه الله ..

خاطرج بـ ريل صالح يحبج ويعينج ع طاعة الله ؟ => اخلصي النية وصفي قلبج واجعليها لوجه الله ..

خاطرج وخاطرج وخاطرج وخاطرج ..

=> اخلصي النية وصفي قلبج واجعليها لوجه الله ..

نرجع حق محور حديثتنا

سويت سيرج في النت عن الآية ومعناها .. وهذا بعض مما وجدت ..

::

هذا القلب المليء بالخير سبب في الفتح في الدنيا، وسبب في الخير في الدنيا أيضًا، قال الله تعالى: {يَا أَيُّهَا النَّبِيُّ قُلِ لِّمَن فِي أَيْدِيكُم مِّنَ الأَسْرَى إِن يَعْلَم اللهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخذ مِنكُمْ وَيَغْفِرْ لَكُمْ} [الأنفال: 70]. فانظر إلى الآية الكريمة، كفارٌ أُسروا ووقعوا في الأسر في أيدي المسلمين فمنهم من يقول: إني كنت مسلمًا وكان في قلبي خير؛ فقال الله لنبيه صلى الله عليه وسلم: {قُلِ لِّمَن فِي أَيْدِيكُم مِّنَ الأَسْرَى إِن يَعْلَم اللهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخذ مِنكُمْ وَيَغْفِرْ لَكُمْ} [الأنفال: 70].
فالله يؤتي الخير بناءً على الخير الذي في القلوب ، وهو سبحانه يغفر الذنوب؛ للخير الذي في القلوب: {وَيَغْفِرْ لَكُمْ}

أهم شي تكونين صاااااااااااادقة صااااااااااادقة صاااااااااااادقة

مب مثلا في البداية تقولين : شسمه هذا يوم أنا بشتغل بسوي وبسوي وبسوي وياخذج الحماس لثواني فقط !
وما يكون هالشي من داااااااااااخل قلبج !

لأ
لأ
لأ

اوقفي دقيقة

هيه اوقفي شوي

سألي نفسج سؤال صريح: يا فلانة يا حلوة يا أمورة .. هل انتي صادقة في نيتج !

يعني مثلا ودج تعرسين ، تقولين والله خاطري بريل صالح يعيني ع طاعة ربي

تيين تفكرين بينج وبين نفسج ..

انزين انا ليش ابا اعرس ؟!

صوت من داخلج يقول : والله فلانة وعلانة وبنت عمج وبنت خالج وبنت ييرانكم والفريج كله عرسوا الا انت ماعرستي
يعني من باب > ورا الخيل يا شقراااا …

لأ لأ لأ .. مب هذا اللي نباه

انزين يطلع صوت ثاني يقولج : انتي تبين تعرسين عشان تكشخين وتلبسين وكل يوم طالعة شكل

لأ لأ لأ .. مب هذا المطلوب

ويطلع صوت ثالث يقولج : والله حلاته اييج واحد اييب لج كل شي " مصباح سحري هذا مب ريل ! "

لأ لأ لأ .. وليس هذا أيضاً يا بعــدي انتي ..

انزين يا سمـو اختصري شوي ..

يا حبيبتي لازم يطلع لج هالصوت يقولج :

يافلانة انتي تبين تعرسين ع شان تسترين ع عمرج .. عشان الريل يكون لج خير معين ع طاعة الله .. وياخذ بايدج في الطاعة .. تمشين وياه في الدرب للجنة .. وتييبون عيال حلوين وكتكوتين .. يكونون سبب في نشر دين الله .. بأخلاقهم ودينهم وحسن تعاملهم

>> هااا .. طلع هالصوت ولا بعــده !!

انزين اقري التالي:

بشري الغالية .. عسى وصلج المعنى !!

انزين فديتج اقري هالحديث عن حبيبنا ونبينا وشفيعنا صلى الله عليه وسلم " صلي عليه حبيبتي "

يعني أهم شي نيتج من كل عمل شووو!!! … وتقدرين تحولين العادات إلى عبادات فقط بتجديد النية

عرفتي اهمية انج تكونين مخلصة لله قلباً وقالباً !!