منذ فتره تمت خطبتي على رجل ذو اخلاق عاليه وتمت الخطبه وسط
فرحة لا توصف من الاهل والاقارب ولكن خلال فترة الخطوبه احساس
الحب غائب ولكن احساس التفاهم متواجد دائما يعني بـ لغتنا ( قادرين
نتفاهم مع بعض بس انا ما احس بالحب من ناحيتي عكسه طبعا )
وحاليا حضرته يطالب بالملجه لخوفه اني ارده في اي وقت ولكن
عند تفكير في هذا الامر الذي ارهقني لا استطيع ان اكمل معه المشوار
ولكن احتراما وخوفا على مشاعره الفياضه خائفه انه اقول له لا استطيع
اكمال مشوار معاه مع انه الحب الي يكنه لي كبير ودائما يقول لي ( انا شارنج فلا تبيعيني ) ..!
فعلا حاسه بتعب ونفسيتي بدت تتعب واهلي بدو يضغطون عليه
رايكم لو سمحتوا ..!
تحياتي
اختي أول شي انتي استخرتي ولا لأ؟ثانيا لا تمين تقولين مب قادرة أحبه وهالكلام ترا التفاهم أساس لكل شي ولا تتبطرين على نعمة ربج على كلامج الريال يحبج وشارنج وان شاء الله بعد الملجة والزواج كل شي بيتغير..كان عندي ربيعتي جي وتعالي شوفيها الحين صارلهم سنتين ولا أحلى عنهم الله يديم عليهم السعادة يارب…استخيري مرة ثانية وحكمي عقلج وقلبج بيرضى فيه اذا كان زين
هو مو مثل هي مقولة تداولها الكثيررررين ومعهم حق
الوحده وين تلقى بهاليومين واحد يحبها وبنفس الوقت يصونها ويستر عليها
انتي فكري فيها من هالناحيه
لو انك فكيتي الخطبه .. بالمستقبل هل رايح تلقين احد مثله ؟ يحبج ويخاف عليج ؟
دام الرجال زين واخلاق .. وصعب تلقين زيه تمسكي فيه
انا بقول لج قصه صارت لوحده من صاحباتي
انخطبت على واحد ووافقو الاهل عليه وهي وافقت عليه
وجلسو فتره ما يقارب الـ 7 شهور مع بعض
بيوم اتصل عليها وقال لها تزهبي نبي نطلع نبارك لزواج ناس
قالت تيب وقفلت من عنده وتجهزت وحطت الميك اب ولبست احسن لبس
هالكلام صار العصر
جت الساعه 8 بالليل ومابعد يمرها .. لانه قال لها ابي امرك الساعه 7 تكوني جاهزة بيروحون مكان قبل العرس
دقت عليه مارد .. الساعه 9 دقت عليه مارد .. الساعه 9 ونص دقت عليه مارد .. وهكذا اليـــــــــــن الساعه 11 بالليل
خافت عليه وصارت تدق على اهله يقولون لها مو موجود بالبيت
المهم البنت قامت وشالت كشختها وظلت تنتظر منه اتصال او حتى من اي احد ( مستشفى _ شرطه ) لو انه كان فيه شي
جت الساعه 10 الصبح .. ردت دقت عليه رد عليها بكل بروووود .. قالت له وينك فيه انا لي فتره ادق عليك وو وو وو وو
قال لها مطنش بكيفي .. يا فلانه .. ترى مو انتي البنت اللي اتمناها ؟
تخيلي هالجمله وش سوت فيها
يعني متحملته لانه كذا مره يضربها .. والبنت نااااعمه حيل ودلوعه وملامحها تجنن
ومع ذلك يقول لها منتي البنت اللي اتمناها
بس سبحان الله كان هالشي خيرة لها من رب العالمين .. طلع الولد راعي مخدرات وملاهي ( اعوووذ بلله )
صحيح اني طلعت برى الموضوع
بس لاني ابيكي تفكرين قبل لاتتاخذين اي قرار .. خل امك تشور عليج .. خذي رايي ناس كبيرين وتثقين فيهم ..
وان شاء الله يتمم لج اللي تتمنينه سواء بالاستمرار او الانسحاب
ويوفقج ويستر علينا وعليج يارب
المشاركة الأصلية كتبت بواسطة سحابة جفا 
وادعي بصلاتج وان شاء الله بتتغير احوالج!!
الله يوفقج حبيبتي ^_^
همسة في اذنج
ترى الحريم في هالزمن وايدات الا مكودات .. والراياييل قلة خاصة لو ريال في مواصفات خطيبج …
احمدي ربج هذا الشيطان يهيألج اشياء ان ما في حب ومن هالكلام .. اصلا الحب يي بعد العشرة
ومدام في قبول خلاص يعني لا ترفسين النعمة اللي باجر احتمال وايد تتندمين عليها
والكلمة اللي قالج ياها وايد كبيرة والله ( انا شارنج فلا تبيعيني ) ……