:: تمآآآرين لكل أجزاء الجسم,,الزنـود والبطن والافخاذ والمؤخرة لتنحيفها وشدها وبالصور~

تعليمات مهمة لآداء التمارين:

1. اختاري من 2-5 تمارين من كل مجموعة واتمرني عليها كل يوم لين ما تتعودين وعقب زودي الكمية بالتدريج..

2. تبدين 5 مرات لكل تمرين وزودي كل يوم 5 لين ما توصلين لنهاية الاسبوع الاول 30 مرة ونفس الشي في الاسبوع الثاني ,,,,,

3. بتحسين بشد بسيط من سبت التخمر اللبني اللي يصير فجسمج نتيجة لنقص الاكسجين بس بتخف عنج الآلام عقب ثالث يوم أهم شي المتابعه و الاستمرار ^^

4. حق الزنود ترومين تستخدمين أثقال مال الحريم من 0.5 -2 كيلوو وبس واذا ماعندج ترومين تستخدمين دبة مسافي العادية بو 500 ملل ,,

النتايج اللي حصلتها :

للأمانة كنت أستخدم كريم بارتر لوف للتنحيف ع المناطق اللي بغيتها تخف شرات الزنود و الكرشة ,,

وعقب سيدة أمشي و أسوي باجي التمارين ,,

وكنت اخفف من اكلي وأشرب خلطة الشاي الاخضر و الزنجبيل و الكمون و اليمون و النعناع ,,

مقاساتي تغيرت ولله الحمد كنت ألبس مقاس جينز 18 ونزلت لـ 9 >> قولوا ما شا الله بليز ><",,

خصري كان 32 و آخر مرة قسته عطاني 28.5 ^^ >> هم بعد قولوا ما شا الله ,,

الزنود أصعب منطقة تخف عندي قدرت أخففه من 14 لين 12.5 ولله الحمد >> شو قلنا قولوا قولوا ><"

وعن تمارين المؤخرة كنت ابي اكبرها فاستعملت كريم باتنر لوف لتكبير وشد المؤخرة وسويت التمارين ,,

شفت نتايج بس مب لذاك الزود يعني هاا ,, بس عقب وقفت وماكملت ,,

اللي بتسألني عن المدة اللي ضعفت فيها بقولكم اني كملت سنة وشهر لاني ماحب أستعيل ,,

بس هالتمارين سويتها في الصيف تقريبا 3 أشهر وشفت النتايج ^^,,

وبعد اللي بتسال عن اذا كنت أستخدم كل هالتمارين ,,

لا ما كنت أستخدم كلها بس أختار اللي أباه وأركز أكثر شي ع المنطقة اللي أباها تخف أكثر ,,

واللي حابة تعرف عني وعن اللي سويته بالضبط أكثر تشوف الروابط لاني شرحت كل شي ,,

والسموووحة للي اطرش لي ع الخاص وماقدر أرد عليها بسرعه لان وايدين يطرشولي وماحصل وقت أرد عليهم بسرعه ><"


احين انيي للتمارين ,,

مجموعة 1 : تمارين للزنود ..

ملاحظة هامة: هالتمرين كنت أسويه بس كنت فوضعية السجورد بدل هالوضعية ,,

مجموعة 2: تمارين لشدرالصدر ,,