اليووووم انا يايه وهمي كبيــــــــر ،، ما يعلم بثقله غير ربي سبحانه …
استغفر الله رب العالمين
انا بخبركم السالفه وانتوا شوروا عليه …
امبارحة امس الساعه 3 فليل….
كنت ميوده دفتريه العود ويالسه تحت في الصاله …الكل رقود…اصلن منوه الكل بخبركم ..(امايه وبويه وخويه الصغير )….وانا يالسه تحت وهم كلهم فوق فغرفهم …كعادتيه..يالسه اكتب قصيده ..ومشغلة التلفزيون..وقاعده ع الزاوية…
…كنت مندمجة وانا اكتب القصيده واراجع كلماتها ..وانا من النوع اللي يفكر ويقرا بصوت …..اشوي الا اسمع خطوات عالدري…زغت انا وقفلت دفتريه وفريته ينبي ..بتقولون وشله فريت الدفتر؟؟بقولكم والله امايه تكررررررره شي اسمه قصايد <<<مب انا قصدي الشعر بشكل عام تكرهه…
قد مره لقت قصيده تحت مخدتيه وتمت اتهزبنيه والله احيد انها بغت تصفعني رغم ان القصيده ما فيها اي شي…عادا زغت انا اتقولي شو تكتبين و اتعصب عليه ماله داعي..وبعد جنها خذت الدفتر بتنصدم من الاشعار اللي فيه ….فأنا قلت ابعد عن الشر وغنيله ….
تدرون منوه اللي كان عالدري؟؟ كان بويه حادر ولا نطق كلمة نزل وسار يدوخ خاري ورد رقى الدري وسار غرفتيه بليا كلمة وبليا همس….انا قلت اوووه الحمدلله هب امايه ….
المهم …رديت لدفتريه وكملت القصيده ….
اليوم الثاني ..
العصر…استغربت لقيت تيلفون البيت مدخل داخل حجرة بويه بس ما قلت شي …اشوي الا تييني امايه …وكنت شاله تيلفوني وحاطه السماعات …قلتلها امايه ابغي الوصله عسب اشغل الكمبيوتر ( هي كانت ماخذتنها عسب لا اسهر عالنت )…تدرون اشو ردت عليه ؟؟ والله اني انصدمت صدمه كبيييييييييييييره…
قالت : انتي تدرين ان بوج معصب عليج ؟؟ قلتلها وشله امايه ؟؟ جان اتقوليه : ايقول انه حدر الصاله الساعه 3 فليل وسمعج ترمسين في التلفون ومن سمعتي حسه قفلتي )) اتصورن خواتي …شو موقفيه ذيج الساعه …جان اتكمل ( حتى ما اتشوفينه مدخل التيلفون داخل ؟؟
قلتلها امايه والله ما كنت ارمس حد والله …كنت يالسه واكيد اني كنت حاطه سماعات تيلفوني فاذني واسمع اغاني يمكن كنت اغني ومن سمعت الحس سكت ….قالتلي بشك : انتي كنتي اترمسين حد قولي الصدق ؟؟ قلتلها والله امايه ما كنت ارمس حد…. والله انها كانت قمة الياس اللي في الدنيا راكبتنيه ذيج الساعه ..رحت غرفتيه قفلت الباب وصحت صيااح في حياتي ما صحت شراته …غييييييير الاحساس والله العظيم …هذا بويه اللي اموت فيه هذا شيخي ..كيف جي ايظن فيه كيييييييييييييييف ؟؟
ظهرت عقب صلاة المغرب…
قعدت في الصاله وامايه ويايه …جان اتقوللي ..ابوج احتشر عليه البارحه ..وقاللي انتي اتعطينها النت و عاطتنها حريتها ..والله بغيت اموووت انا …قلتلها وانا اعطيها تلفوني ..امايه خذيه حتى هذا انا ما ابغيه …( على فكره بويه كان يتحرى اني رمست من تلفون البيت)..فانا قلتلها حتى هذا ما ابغيه …قالتلي هو قالي بيسير الاتصالات وجنه لقى ان السالفه فيها ريال بيكسره عراسج …
انا تميت متيمده في مكاني وافكر…يعني اذا راح ايشوف الارقام ….في ناس ايدقوليه غلطانين …وهذا غير عن يوم اخذ من النت ويدق مندوب …وغير ربايعيه اللي ان ياهن رقم غريب ايعطون التلفون خوانهم عسب ايردون عليه …وغير اللي يدقن من تلفون هلهن يمكن ….
حسييييييت ولو اني بريئه اني بموت بموووووووووووت بويه جنه سمع حس ريال ما بيتفاتهم ادريبه بيذبحني والله …وانا عااااااااااااااادي لو عالضرب وهو اللي في حياته ما ضربني ..لكن نظرته لي؟؟وثقته اشو بيردها ؟؟؟ وامايه قالتلي : انا قلتله انه ما عندج هالحركات ….
رحت غرفتيه وتميت ادعي ربي ان السالفه اتعدي عخير وقريت سورة البقره وحسيت صدق ماعنديه غير ربي فذيج الساعه …
عقبها البارحه الساعه 1 فليل …كنت يالسه بكل ياس في الصاله اسال امايه ..امايه ليش بويه ايشك وايد؟؟ قالت ما اعرف…قالتلي : انا يوم سألتج وقلتيلي كنتي تسمعين اغاني جوابج اروحه اييبلج اشكوك ….والله يوم سمعت كلمتها حسيت اني بموووت حيه ….يعني ابويه وامايه بعد؟؟؟
قلتلها امايه كنت قاعده هنيه واشرت عالماكن ..وقلتلها عداليه الدفتر…بس ما رمت اقولها اني كنت اكتب قصيده ما رمت بتطيح عراسي هموم ثانيه خاصة اذا قرت الكلمات يمكن اتاكد اشكوكهم فيه …كنت احاول انطق واسالها امايه انتي بعد اتشكين شرات بويه ؟؟خلي عاد بويه متاكد لكن انتي ؟؟؟ والله ما قدرت اسالها من الغصه …
اليوم الظهر
وانا نازله عالدري شفت بويه يالس سقرا يريده ..سلمت وانا نازله وما انكر ان صوتي كان مبحوح وقلت السلام عليكم …اتريته ايرد…ولكنه ولا حتى صد عليه والله ..تميت افكر معقوله ما سمعني؟؟؟ يوني يوعانه وحادره بحط شي في ثميه والله اني شبعت وما قدرت اكل شي ربعت غرفتيه اصيييييييييح بقهر…
امايه ما يابتليه خت اشكيلها وتوقف فصفيه ..
ولا عنديه خو عوود يسندني ومتفهم ..
ولا عندي ابو واثق فيه ومستعد ايصدقني
ولا عنديه ام اصارحها باللي احس فيه ..ولا اتجرأ اخبرها الصدق..
مالي غير ربي والله مالي غير ربي
يا خواتي اللي عندها حل اتخبرني يزااااااها الله الف خير اللي تساعدني…واللي ما عندها حل تدعيليه خواتي فأيام الرحمه هذي …
اختي حطي امج وأبوج فوق راسج وخليهم مثل ربيعاتج والله بترتاحين
وان شاء الله تسمع لج
ربي يوفقج ويهدي الجميع
صدقيني مادامج على حق ببان الحقيقيه في النهايه بس انتي ادعي ربج وصدقيني ربي ما بيخذلج………
ويزاج الله خير ..
انا صدق فكرت اني اخبر امايه الصدق واني كنت اكتب قصيده لكن احتمال انها ما اتصدقني 99%
وغير عن جذيه اخاف انها اتفكر بأشيا مالها معنى والله ..بتقوللي لمنوه كاتبه القصيده ؟؟وشو السالفه ؟؟ومليوووووون % بترويها بويه وعادا بتكمل السالفه بطيح من عيونهم صدق…والله حرام اللي يستويلي مخوفيني حتى من اني اكتب قصيده ؟؟ كيف اتظنين بصارحهم كيف بس؟؟
والله هذا اللي انا اسويه موكله امريه كله لربي سبحانه
وان شالله خير يارب
انتي مضلومه والله بياخذ حقج
ادعي هذا الدعاء وكوني متأكده انه الله بيستجيب دعائج (( إناللاه وإنا إليه راجعون , اللهم آجرني في مصيبتي واخلفلي خراً منها ))
اذا تبين الله يستجيب دعائج لازم تكونين متأكده من قلب انه الله بيستجيب الدعاء ولا تستعيلين الاجابه
مافي احلى من المواجهة…
يلسي مع الوالد وصارحيـه…
خبريـه واحلفي له..
قدمي لـه تنازلات ان كانت هذه التنازلات بترجع ثقة هلج فـيج…
اصرارج على براءتج وكلامج بكل ثقه
ممكن يعطي اشاره طيبه
اما السكوت.. مب في صالحج…
واجهيه وصارحيه وكوني واثقه من نفسج
الله ييسر لج امرج ويجنن قلب الوالد عليج 