شحالكن خواتي عساكن بخير ؟
انا محتاره فسالفه وقلت اكيد خواتي فالمنتدى ما بيقصرن
طبعا اتعرفون جامعة الامارات اللي فالعين
ابويه وايد يمدحلي الجامعه ويقول زينه والبنات كلهن يدرسن هناك
انا الصراحه ما عرف شي عن الجامعه
بس سمعت رمسه عن السكن وصراحه ما تبشر بخير
اتمنا انكم اتساعدوني ..لني صدق هب عارفه شسوي
………. ………..
من اي ناحيه انها ماتبشر بالخير ؟؟
يعني هيئة السكن روحه ؟ و لا البنات الي فيه و لا اسلوب الحياه هناك ؟؟
اذا السكن فلا تحاتين ..كل سبل الراحه متوفره ^^ ..واذا عن البنات فلا تصادقين حي الله بناات ! ..اختاري البنات الي تحسيهم اوكي..وعاادي ترابعين البنات الربشه عشان ينسوج الغربه بس بشرط ان عندهم دافع المذاكره 
..يعني لا ترابيعن وحده كل همها اللعب..
واذا عن اسلوب الحياه فتجربه حلوه وتكون لج مسؤوليه والاعتماد على نفسج و وايد بتغيرين فطبعج ان شا الله للافضل 
لا تحاتين ترا جامعه الامارات وايد زينه
لا تحااتين الجامعه وااايد أوكي وتجربه حلووه
أهم شي أنتي تكونين متمسكه بصلااتج وتعرفين وقت الدراسه وتعرفين مصلحتج وين
ترا لا تغترين بالرمسه الي تنقال لج يربي وبتعرفين بنفسج ان موب كل شي ينقال صح
أنا قالولي رمسه فرت رااسي بس دشيت الجامعه 4 سنين ونص بس ماشفت شي موب زين الحمدلله
انتي تخارين طريجج
أنتي اختااري البناات الزينات المصليات يعرفن الزين من الشين ويعرفن وقت اللعب من وقت الدراسه
وأنتي والخير ربااعه
بصرااحه تجربه حلووه ماراح تصادفينها بحياتج موول وبتتمنين ترد أيام الجامعه وجو السكن والبنات
والله يوفقج
درسي وتوكلي على الله
وايد يقولون شي بنات وصخات و و الخ
كيف بنعدي 