حركات حرمة اخو ريلي

السلام عليكم ورحمة الله وبركاته شحالكن خواتي
ما بطول عليكن بدخل ف السالفة ع طول .
انا متزوجة من 3 اشهر وريلي انسان خلوق وحنون ويشتغل بوظبي ينزل ف الويكند ووالسبت فليل يسري بوظبي
مشكلتي او بالاحرى مب مشكلة ماعرف شو اسميها “
حرمة اخو ريلي انا وهي كان عرسنا رباعة ، ريلها يداوم يوم و 3 ايام اجازة يعني مرة وحدة ف الاسبوع وهم طول الوقت رباعة عكسي ما شوف ريلي الا يمعة وسبت ومانروم نطلع مكان لضيق الوقت لنه من حقه ييلس عند اهله ويشوفهم لنه يشتاقلهم وريلي ييلس معاي مايقصر بس مب هاذي المشكلة ، المشكلة هاذي الحرمة حرمة اخو ريلي ما عرفها زين لني ما قدرت ارتاحلها والله حاولت كمن مرة ماشي فايدة واغار يوم اشوفها عند ريلها يوم اكون موجودة تيلس اونها تدلع عليه وتحاضنه وتلعب بشعره تتعمد هالاشيا حرام عليها انا ما ضريتها بشي وانا اذا كان ريلي موجود ومدحني قدام الكل تتغير ملامح ويها وحتى اذا طلعنا انا وريلي مكان بتروح سيدة عند ريلها عشان يطلعها وانا اذا قلت حق ريلي فديته او يعمري سواء موجود او مب موجود ع طول بتروح تقول حق ريلها كلام غزل واذا مب موجود تتصل فيه وتسمعنا انها تغازله ماعرف ليش ، ونا بحكم زوجي مب موجود اغار يوم اشوفهم رباعة وحتى صرت ماحبه ، وع فكرة فيها تصرف غريب تيلس تحاول تتقرب مني تبا صداقتي بس بوجود ريلها ما تبا ، هيه طيبة ما فيها عوافه بس ما عرفها ذاك الزود ،،

خواتي شو اسوي تراني تعبت من الغيره ومن كرهي حق تصرفاتها ليش ما تراعي عدم وجود زوجي عندي ليش ما تسوي هالتصرفات ف غرفتهم بس ليش ما قدرت احبها وارتاحلها ، نحن بيتنا صغير واي مكان اروحه القاهم خاصة مكان الصالة هناك الكل يتيمع وتكون ويا ريلها موجودة ، مرة وحدة قالت حق اخت ريلي ارحمها ما عندها ريلها وانقهرت من كلامها بس سكت لني لو برد عليها ردي عوووف اعرف عمري ونا مابا اكبر هالشي اباه يختفي بس كيف وهي وريلها موجودين 24 ساعة ، لا تقولن تقربي منها ما روم ما اقدر صحبتها ملل

حبوبة ماله داعي تيلسين معاهم بالاساس يمكن هي مب حابة تقولج اياها وتبيج تفهمين من حركاتها

تجنبيها …
وين ما تكون بعدي عنها ..

ربي يوفقج اختي ^^

والله يا ختي مشكلتج عادية .. وتصير بين جنس الحريم لازم هالسوالف وخلج طبيعية ولا تحطين هالشئ فبالج وتكبرين الامور .. وادعي فصلاتج انه ريلج ينقلوه عندكم أو انتي تنتقلين عنده فبيت روحكم وتفتكين من المغثة وربي يديم المحبة بينكم