حساب الحمل ضيعوني

شحالكم خواتي فديتكم ابا حد يفهمني شلون الحساب الحمل اخر دورة كانت 28 -8-2016 مستشفى الي اراجع قالو اني في اول اسيوع من السابع ومن اسبوع طحت من على دري الحمام وانا يالسه واستوا لي شد في ريلي اليمين ورحت البارحة طواري مال فجيرة دكتورة قامت تتفلسف علي اول شي قالت لي احتمال عندج عرق النسا او عندج انزلاق غضروفي او ها ويع الحمل بيخوز وقت وﻻده وسوت لي تلفزون وقالت اصلا غلط محددين لج الشهرج انتي مخلصه الخامس وداخلة في سادس وقالت ان حجم البيبي اكبر عن عمره وقالت ان الفيتامينات الي اكلهن منفخه البيبي بس صراحة انا ما اكل فيتامينات وقالت لي اخذ حبوب فيتامين بي اونه لمدة سنه وخلتني وراحت وما عطتني مجال افهم شي طول سالت سستر الي عندها قلت لها انا في اي شهر قالت انتي مخلصه سابع داخلة في ثامن والله ما عرفت لهم انا ابا امشي وخلص اغراض البيبي لاني لحد الحين ما خذت شي للبيبي وﻻ مشيت وﻻ خلصت اغراضي للعيد شو اسوي انا ما افكر بموعد الوﻻدة انا افكر باي اسبوع او اي شهر عسب ارتب اموري واخلصهن لاني اعرف وﻻدة البكر مب شرط تولد من اول التاسع

انتي فالاسبوع ٢٨ يعني الشهر السابع اسبوعين تقريبا و بتدخلين الثامن
و تاريخ الولاده حسب الموقع ٤/٦/٢٠١٤ .. الموقع ( baby.webteb.com

وعن الدكتوره لا تعليق !!

بالضبط مثل ماقالت الاخت الي فوق

اختي اذا اخر دوره لج تاريخ ٢٨-٨-٢٠١٣ انتي الحين بالاسبوع ٢٩
تاريخ الولاده المتوقعة ان شاء الله ٤-٦-٢٠١٤
المصدر موقع صحه لحساب الحمل والولادة وانا دائماً استخدم هالموقع للحساب
وان شاء الله بتدخلين الثامن بالاسبوع ٣١ ويوم واحد بإذن الله

ربي يوفقج اختي ويتمم لج على خير

الله يتمم عليج يارب
موعد ولادتج قريب من موعد ولادتي 2-6-2016

بذمتج هاي دكتوووووره ابدا ماتفهم!!!!!

وعن ولادتج بتكون اول شهر 6.. انتي حاليا ف الشهر السابع

السلام عليكم

أختي اهم شي يكون البيبي بخير وخذي موعد الولادة من اول موعد صورة اذا كانت دورتج مب منتظمة او من اخر تاريخ الدورة اذا دورتج منتظمة وما عليج من اي كلام ثاني لان السونار ما يكون دقيق في الشهور الدقيقة وفي الغالب يخوفونج بدون سبب