متزوجه وربة منزل وعندي 3 بنات
ومب حامل
وشفت الحلم بين الساعه 9 ونص الصبح ولين 12 الظهر
وحالتي الدينيه متوسطه
شفت ف الحلم
اني مربيه حيوانات وايد ف بيتي .. عندي جلاب وعندي غنم والديايه وديج وحصان وقطاو ونمر .. بس كلهم صغار يعني صغار بالعمر الحيوانات
وانا يالسه اصورهم بتلفوني وابا اراويهم لعمتي (( ام زوجي )) واقولها شوفي عندي انواع وايد من الحيوانات
ويتغير الحلم كأنه عند مسبح وزوجي في المسبح وانا واقفه برع واراقبه وفجأه اشوف المسبح الي عدالنا فيه الشيخ حمدان بن محمد (( فزاع )) يسبح مع التماسيح .. واقول لزوجي شوف الشيخ حمدان يسبح مع التماسيح ويستغربزوجي واقوله تعال بنتصور معاه
واتجدم انا مع بناتي عشان نتصور .. ويزعل زوجي لاني سبقته بس ايلس اراضيه واقوله عشان نلحق نتصور،. والشيخ كان يالس ع كرسي وتصور معاه زوجي
عقب تذكرت اني ماتصورت معاه … فا اقول لزوجي نرجع لاني ماتصورت مع الشيخ .. ونرد نتريا الشيخ بيدخل عنده افتتاح .. اول مايدخل الشيخ اقوله بتصور معاك سيلفي مع زوجي .. واحاول احط ايدي ع خصره عشان نتصور .. فا يقولي الشيخ انتي وزوجج امسكو ايد بعضكم وخلونا نتصور
وبس
خيرا نتلقاه و شرا نتوقاه
ان صدقت الرؤيا
رؤية الحيوانات دليل ان شاء الله علي سعه في الرزق
لك و لزوجك ان شاء الله
و سباحه و رؤية الشيخ بشارة بامور تتمنيه ستتحقق لك
ان شاء الله و الله اعلم
ان اصبت فمن الله و ان اخطات فمن نفسي و الشيطان