حمية آبس The ABS diet مع مس كفالي

يالله تبووووووون تشاركووني ؟؟ ترا الدايت واااااااااااايد بسيطه و اغلب الاكل موجود في كل ثلاجه بس يباله ترتيب ..

برد لكم بالاكلات الي كلتها من يومين و اليوم … يم يم .. بس عقب ما اسير امشي على جهاز المشي نص ساعه و ارد ان شاء الله ..

رديت (بعد التعديل على الموضوع)
الحين بقولكم عن جدول الاكل للايام الثلاث الماضية ..

بس في البدايه براويكم المنتجات اللي استخدمها و عاجبتني ..

اولا : عائلة الحليب .. Diary و اكيد كلها قليلة الدسم .. ممنوع كامل الدسم .. يوم بتشترين اي منتج راجعي تاريخ الصلاحية . و حاولي تاخذين انتاج اليوم نفسه عشان يتم عندج اطول وقت ,, و شوفي المنتجات الي ورا لنه اللي جدام اقدم ..

و هني عندج بعض المكونات الرئيسية في الحمية :

1- السبانخ و طبعا معاها الخضروات الاخرى و خاصه الخضراء مثل النعناع و الخس و البقدونس و الكزبرة و الجرجير.. هالاطعمه تمدنا بالحديد و الالياف .. خليهم مكون رئيسي للسلطة

2- زيت الزيتون .. خليه اهم شي في السلطه .. اي سلطه او باستا ضيفيلهم ملعقه او اثنين من زيت الزيتون ..

3- الشوفان ..او الكويكر .. غني جدا بالعناصر الغذائية الي تمدنا بالطاقة ..

4- زيت نباتي لايت عباره عن سبراي .. انا خذته من اللولو هايبر ماركت .. وايد خفيف و ما اعتبره زيت بس يخلي الاكل ما يلصق في التاوة .

و هني صورة التركي او الديك الرومي .. مقطع شرائح (مرتديلا) .. انا اخذه من اللولو هايبرماركت .. شي انواع .. اختاري قليل الدسم … صح اغلى شوي بس افضل .. و حاولي تاخذين الكميه الي تناسبج بس لأنه حرام تشترين العشر شرايح تقريبا ب 25 درهم و عقب يومين تعقينهم حيث انه مدة الصلاحية 3 ايام فقط .. يوم بتسيرين قوليلهم ابا مثلا 5 شرايح .. الي تسدج ل3 ايام ..

و هني هالاشياء الي ممكن ناكلها كوجبات خفيفه او مثل ما يسميها البعض سناكس ..

من اليمين فوق : بديل السكر .. بصراحه دورت سكر الفواكه ما حصلت لني سمعت انه مب زين للام المرضعه تاخذ سكرين .. بس الي قريته عليه انه ما يحتوي على هالماده …. اللي تعرف وين اقدر القى سكر الفواكه تخبرني بليز ..

يسار فوق: بسكويت دايجستف لايت و غني بالالياف … حلو تاكلين 3 حبات عند الجوع مع كوب شاي اخضر ..

يمين تحت : كوفي ميت لايت …. لا تكثرين منه بس يعني مره او بالكثير مرتين في اليوم ..

يمين يسار: كورن فلكس غني بالالياف و فيه توت … لذييذ .. بس تحطينه ويا حليب بارد قليل الدسم بروحي محلى .. و طعم التوت الحامض .. يعطيج شعور راائع هههههه ..

المشاركة الأصلية كتبت بواسطة بنـــت الفلاسـي

ما شاء الله عليج ميمي ،،، دايت عجيييييييب الصراحة ،،، بنشوف التطبيق من صوبج لمدة 6 اسابيع ^_^ كم بيكون وزنج ،، عشان نتحمس وانطبقه عقب لو ما نزل وزني ،،،

واتريا تقريرج يا حلوة لليومين ^_^ ..

ملاحظة : طلعنا بنفس الطول ،، لكن الوزن اختلاف 5 كيلو .. ونبى نفس الهدف لوووول …

هيه والله انه عجيب هههههه .. و مب بس 6 اسابيع هذا الدايت لو تعودتي عليه خلاص يستوي لج لايف ستايل … و صح نفس الطول .. تدرين اخر مره شفتج موول ما يبين عليج .. حسيت انج نفسي او اقل …. العبايات الوسيعه يسوون شغل هههه

المشاركة الأصلية كتبت بواسطة ديــايــه

هــاي كفالي ..

انتي بعد ..

هــع .. تعبنا ياختي تعبنا واحنا على الرجيم ..

بالتوفيق حياااتي .. وبشارك وياج هنه وبنعيد ذكريات تجمع العرايس .. هااع

خبرينا عاد شوه تسوين

وييه انتي هني بعد من زمان ما شفت نكج في المنتدى هههههههه .. تبين تشاركيني تفضلي بتستانسين والله ههههههه ..

المشاركة الأصلية كتبت بواسطة bint_alnoor

والله رجيمج وايد حلو
بالتوفيق غناتي
نتريا تقاريرج

المشاركة الأصلية كتبت بواسطة bint_alnoor

فديتج ما قلتيلنا عن الكميات؟؟؟

هيه والله الرجيم وايد حلو عشان جي اخترته … و انا مجربتنه من قبل سنتين تقريبا ..
و عن الكميات سلمج الله انتي تتحكمين بها .. و انا دوم انصح انه تقرون الكتاب عشان تفهمون كل شي .. بس انا بحاول اجاوب على كل استفساراتكم ان شاء الله .. انا بحط وجباتي و طريقة التحضير عشان تعرفون كيف الكميات .. و بالوقت بروحكم بتعرفون تقايسون ..