اكتشفت شي غريب
اكتشفت ان يومي وامسي كلها ضايعة بسبة تفكيري لمستقبلي
من كثر ما افكر في المستقبل اشوف عمري جني عيوز مع اني ما كملت غير 25 سنة
بس الايام تمشي وتركض بسرعة وانا يومي يطوف ويوم عن يوم اشوف اني كبرت والاشياء اللي كنت ابغي اسويها قبل ما سوويتها لاني كنت افكر اسويها في المستقبل
مب مستانسة بحياتي يا ناس ، حاسة بضيجة في قلبي
تتخيلون كيف الضيجة ذابحتني ، لان باجر بكمل 26 وبعد احس اني ما استااانست بعمري اللي يطوف ..
مثلا ايام الدراسة كنت حارمة نفسي من اشياء وايد بس عسبت اسويهم في الكلية
يوم سرت الكلية ما كنت اطلع ويا ربيعاتي وهمي كلها في دراستي وظاعت الايام وتخرجت ويوم رديت يوم من ايام للكلية حسيت ان البنات مرتبشات ويلبسن ويتميكجن وانا كنت اندب حظي لاني ما استانست
ما احط الميك آب وما اتعدل لاني اقول يوم بعرس برضي ريلي بالميك اب ..بس اتغصص لان ما ادري شو بيستوي باجر ..يمكن لا سمح الله ريلي يطلع من النوع اللي ما يحب الميك اب..
في الدوام ..ما شاء الله الكل يعاملني باحترام ..من شباب والبنات ..بس انا ما اسويلهم وايد سالفة بس لاني اخاف ان باجر تطلع عني اشاعة او كلام انا في غنى عنه ..وتغيرت بين يوم وليلة وما اكلم حد الا بخصوص الشغل ..بس هالتفكير حارمني من اني استانس بشغلتي …
وغير عن هالتفكير دووم افكر اني بكون في المستقبل العاجل مديرة …بس تعالوا شوفوا مول ما استانس بايامي في الدوام لاني وايد اشتغل وايد اشتغل لا آكل ولا اشرب وما اخذ حصتي وامرض واتعب بس عشان اني اكون نفسي ..!! بس اخاف لما باجر استوي مديرة اندم على هالشي 
حتى الحينة ابغي اسوي اشياء بس اقولهم عقب سنتين بسوي..عقب سنة ..وامشي على هالمنوال ..
بيزاتي ما اصرفها ، افكر في المستقبل يكون عندي مبلغ مالي …بس وايد احرم نفسي من اشياء انا محتاجتنها مب شي بس لهدف اني اضمن مستقبلي ،
يعني وايد اشياء حارمتنه على نفسي وما فكرت فيه الا لما جرب يوم ميلادي وحسيت اني كبرت بس بدون ما استانس بحياتي ..
كل عام وانا مب بخير
انتي غيري طريقة تفكيرج في البدايه عشان تتغير حياتج للأحسن
عيشي حياتج بحدود المعقول يعني طلعي اوي ربيعاتج سولفي وياهم سوي إلي تبينه بس بحدود
خلاص ايام المدارس راحت … وايام الكليه راحت … الحين انتي تشتغلين عيشي الحاضر
صحيح ان الواحد يفكر بالمستقبل بس مب بطريقه ان الواحد يحرم عمره من كل شي
اهني اقولج اسمحي لي تفكيرج غلط
انتي حطي في بالج كل شي إيجابي وشلي السلبيه من تفكيرج وان شاء الله حياتج بتتغير للاحسن
قالها الإمام علي بن أبي طالب كرم الله وجهه :
عش لدنياك كأنك تعيش أبدا ….. واعمل لآخرتك كأنك تموت غدا 
الوسط في كل شي زين !
انتي ضامنة تعيشين لين باجر عشان تكونين قلقة من المستقبل ؟
واتذكري ان :
طريق الألف ميل يبدأ بخطوة !
ودايما تكون الخطوة الأولى صعبة … لكن تحطج على الطريق الصح
ومثل ما يقولون الأجانب :
لا جدوى من البكاء على الحليب المسكوب !
انتي بعد خلاص لا تفكرين في الأشياء اللي ما سويتيها …
حطي نظرج على الأشيا اللي بتسوينها وبتستمتعين فيها 
!
وانتي بعدج في مقتبل العمر …لا تكبرين نفسج بدون داعي
مثلاً لو صرتي تكونين مديرة ومعاشج يسير فالخير تقدير تسوين جمعية خيرية خاصة بج
انتي مشالله عندج طاقة و عندج اهداف و تشتغلين من القلب بس لو حولتي هدفج لنية الأجر بتشوفين نتيجة جهدج
فالدنيا و الآخرة و اللي ما يبا الدنيا تيه طوع سبحان الله
و الحياة مب مكياج ولبس عادي سوي كل اللي تبيه البسي وتمكيجي بس مب عند الرياييل
سويلج جزء من اليوم استمتعي واستانسي
خصصي يوم كامل او يومين فالاسبوع لج انتي بس
تدرين ليش اقولج هالكلام لأنج اتذكريني بعمري بس بطريقة ثانية يعني انا احس اني اتردد اسوي الشي اللي احس انه يمكن يأثر عليه فالمستقبل و يمكن احط عمري في موقف مب حلو
فالاخير اقولج الحياة حلوة شوفي الشي الحلو فالناس و الشي الايجابي من المواقف لأن الموقف ينقاس و يتحدد بنظرتج له و الحياة كذلك
بالتوفيق
عادي عيشي حياتج يوم بيومه
صح تفكرين ف المستقبل بس لا تاجلين شي انتي حابتنه لانج تقولين بسويه ف المستقبل
و ع قولتج تندبين حظج
لانج بتمين واقفة مكااانج و بتحسين انج وايد يالسه تضيعين على عمرج
من اوقات حلوة و تتعرفين ع الناس و تتقربينلهم
خليج عادية و فكري بإيجابية اكثر ^_^
و لا تذبحين عمرج ف الدوام.. ترا حزة ما اطيحين لا سمح الله محد بيفيدج
فيه نااس ماا عندهم ربع الي تملكينه من النعم
والانساان ماا يوقف حيااته عند نقطه معينه بالعكس داام انه عاايش
رااح يعمل ويفكر بالدنياا والاخرة المهم انج ماا تيأسين وتتفااائلين فديتج
الله ايسر امورج ويسعدج دنياا واخرة حبوبة