شحاالكم جميعاا ,, ما بصرااحه بعد ما شفت موااضيع بعض الاخواات عن الهند قررت اني انزل صور سفرتي للهند صيف 2024 بما انهاا اقرب وحده عندي صور قبل بعدد تحمست صرااحه وقلت خل انزل
سفرتنا كانت لمدة شهرين طبعاا اقلعناا بتاريخ 17-6-2017 ورجعناا ف شهر 8
يلا نبتدي ,,,,,,
هذي صور البنايه الي سكناا فيهاا طبعاا هالسنه كانت غيير ماسكناا ف بيتناا كالعاادة قررنا نسكن بروحناا فشقه ^-^
وهذي صور جانب من المنااظر من البلكوونه طبعاا نحن كناا ف الطابق الثالث اظن
طبعااا في صور واايد امكاان حلوه في حيدر ابااد بس مابحطلكم كل الصور لان مالقيت كل الصور فيهاا اهلي وبصرااحه من كثر ماا اروح الهند حفظت الامااكن وماتفيجت اصور كل شي اول مكاان حديقه ((فلم ستي)) هااي الحديقه يمكن من 5 سنواات مادخلتهاا لاني كنت اكرهاا بس هالمره تشجعت ورحتهاا عيبتني وكاانت غيير هاي صورهاا وهااي تعتبر اكبر استديو ف العاالم ومعظم الافلام الهندية يصوررنهاا منااكي …
طبعاا كل المبااني ف هالحديقه تكون بس وااجهه وتكون من كرتون مثلاا وتتغير عقب مده
هذي الواجهه كانواا يصورون فلم كميني فيهااا
وهذاا جانب من نكلس روود
وهذاا eat street ايت استريت
هني كناا نتعشى في كنتااكي
وهذاا موول يديد GVK وفيه وايد محلاات راقية وحلوه
هني ركن الالعاب
وهني ركن المطااعم
وطبعاا انا ف الهند ماعندي شغله غيير السينمااا كل ماينزلل فلم نشووفه ويوم ماينزل عادي نشوفه اكثر من مره هع هع هع
والحين ني لمكااني المفضل هذاا بعد موول يديد بقراطيسه بعده ما اكتمل بس فتحوا السينماا والمطااعم وفييه مطعمي المفضل فررايدز
وطبعاا دووم كناا مطيحيين هناااك
وهني جاانب من مكااني المفضلل طبعاا هني ف البلااد مستحيل نرووح لاكن ف الهند رغم انها بلاد كافره لاكن تحسوون مسوين مرافق حلوه حق النسااء وهذا مكااني المفضل صااله البولنغ وفيها بليارد وووايد اشيااء استانست من خااطري ما العب هالسوالف الاا ف الهند يباالنا امكان مخصصه هني بس حق البنااات ولا شو رايكم ؟؟
وهذي حديقه مائية جديده عند نكلس روود
وهذي الحديقه الجديمه اوشن باارك
وهذا تلفريك الحديقه يمشي الحااال
وطبعاا هذاا اول مركز عوود اسمه امكس طبعاا ف الصيف يكوون ترس موااطنين حتى يوم نكون ف الاماراات مانشوف هالكثر مواطنين ف الموول لاكن ف الهند غييير
وهذا السوق الشهييرر جان مناار
محل ع الطاير
وطبعاا الجوو ف حيدر ابااد غير غير دومه مغيم ولو مافي مطر فيه غيووم
هذي صوره الناقل الرسمي لكل رحلاتنا بس طبعاا مانستغني عن الاتوو احب اطلع فيه اكثر لان احس اني ف الهند
هني هاي غرفة معااريس طبعاا مب معدلينهاا لين هنااكي كناا مسوينها لاختي وريلهاا كانوا توهم معرسين ويووا الهند عندنا فعدلناها لهم بشكل بسييط وجي يكون نظااام المعاريس فالهند لافنادق ولا حجوزاات هع هع
الفليل بعد التعب والحواامه تلاقي الكل متيمع ف الصاله يلعب كييرم وانا فاشله ف هاللعبة بس مع التدريب استويت شطووره
وهاي كيكه ميلاد اخوي الصغيرون سوينا له حفله صغنطوطه اموت ع طعم هالكيكه اسمها بتر سكوج يبيعونها هني بعد
واخيراا وليس اخرر وبعد هالتقرير الطويل والنااقص وصلناا لاخر رحلتنااا ورجعناا لبلادنا الحبيبه هذي صوره المطار اليديد مال حيدر اباد ونحن راجعين
اتمنى التقرير عجبكم وطبعاا هاي بس شويه صوور في امااكن واايد وااايد حلوه ف حيدر ابااد
في تقريبا حوالي 5 اواكثر مول غير الي فتحوهم اكيد هالسنه واذا عندكم اي سؤاال اناا حااظره
وبصراحه انا مستانسه وايد لان اهل امي من الهند وكل سنه نزورهم والي يفكر يزور الهند سياحه اناا اشجعهم يروحون لانها بلااد حلوه ورخيصه نوعا وتجذب سيااح واايد خصوصا من دولتناا
وسوري طولت عليكم ,,,,,,
بصراحه الهند وااااايد حلوه و تعجبني حدايقهم وااااااااااااااااااااااااايد ما خليت حديقه الا رحتها الا فلم ستي كان خاطري اسير ..
تسلمين حبوبه ع جهودج ..
مشكورة
ويعطيج العافيه على الصور الحلوه