خاطري ابيّض الويه؟؟؟

هلا خواتي الغاليات
انا الصراحة مشكلتي شخصية
الا وهي

ما اعرف اطبخ

انا صارلي معرسة خمس السنين وعندي الحمدلله بنتين
ومشكلتي اني ما اتجرا اني ادخل المطبخ علشان اطبخ لاني ما اعرف اسوي شي مول وحتى لو بغيت اسوي شي اخاف من التعليقات اللي بتيني وانا من النوع ما احب حد يعلق علي مب من باب الزعل لا ادري بعمري انه لو حد علق علي ما راح ادخل المطبخ مرة ثانية علشان جيه انا ابا اتعلم بس شو الحل ؟؟؟
وتعرفون الوحدة اللي ساكنة عند اهل ريلها ما تبا تطيح م عينهم وانا ها الشي اللي مسبب لي العقدة لاني الوحيدة من بين حريم عيالهم ما اعرف اطبخ
علشان جيه ابا تشجيكم لي وصدقوني ما اريد اكون طباخة ماهرة لا المهم اني اعرف اسوي شي لو انحطيت في مواقف حرجة

افا خمس يدخلن وما يردن علي
عالاقل ادعولي بالتوفيج

أفـا .. ليش ماتعرفين تطبخين

انا كنت مثلج اكره شي اسمه طبخ … بس تعلمت من المنتديات

دشي مدونة نسائية وتعلمي من عندهن لانه حتى بالصور يشرحلج الطريقة…

وعشان ماتنحرجين جدام اهل ريلج يوم تسيرين بيت اهلج تمي خبصي هناك …

والطبخ مايباله شي …

موفقه الغاليه

اشكرج فديتج عالتعليق
بس صدقيني احب شي اسمه طبخ بس ما عندي الجراة
والله يوفقج حبيبتي واسعدني مرورج وتعليقج

ليش ماتحاولين اتسوين ابسط شي وهي المهلبية …او مثلا تشترين رقائق السمبوسة الجاهزة وتحشينها باللحم او خضرة …او تسوين سلطة الفواكة

الله يعينج الغاليه ويعيني خخخخخخخخخخخ مشكلتي نفس مشكلتج بس انا ما كنت احب الطبخ يعني اعرف معظم الامور مب ذاك الزود ها نص ونص امشي حالي بس موووووووووووووووول ما كنت احب وبما اني حملت اول ما عرست وانشغلت ويا بنوتي والحين حامل بثاني بيبي جسمي تعبان حده …. وعندي شغاله وعمتي علمتها الطبخ بس مغتاظه لاني اعرف ان ريلي ما يحب اكل الخدامات يحليله صابر على ما ابتلى فيه …… بس الحال ما بيدوم وان شالله عقب ما اربي واصحصح واسترد صحتي برتب اموري

شوفي الغاليه اعرف طولت عليج ما صدقت ……
اسمعي حبيبتي لا تخافين ولا شي حطي فبالج شي واحد الهدف من انج تطبخين اول شي لريلج عسب يذووق طباخج وتستانسين تراه شعوور واايد حلو عقب عشانج انتي فيوم بتكونين بيت بروحج وعشان عيالج يعرفون اكل امهم ويقولون امي سوت لي ووووو هذي بروحها تسوى

ولا يهمج من التعليقات مب بس انتي اللي ما تعرفين وااايد غيرج نفس الشي الحمدلله انتي تستخدمين النت عندج كل المواقع ترومين دشين ودورين على الطبخ والامور السهله في البدايه وشوي شوي بتتعلمين وفالج طيب لو تبين اي مساعده تراني بالخدمه والبنات بعد ما بيقصرن آمري ولا تستحين ترى هو طبخ امور ومكونات على بعضها وتمكسين وانتي مستانسه عشان نفسج في الأكل مثل ما يقولون

وبالأخير بتحسين كل شي سهل وبتستانسين بس انتي سمي بالرحمن وادخلي المطبخ وجهزي اللي تبين تسوينه
وبالتوفيق الغاليه

ياقلبي

ابدي بالأمور البسيطه .. مثلا بالحلويات .. كيك .. دونات .. وهالأشيـاء اللي بتحسين بالمتعه وانتي تسوينها ..

وبنفس الوقت يوم بتنجزينها بتشجعج للشي الأكبر .. عندج هنيه في المنتدى خذي وصفات للحلويات .. او اشتري كتـاب و طبقي اللي فيه .. و عقب فتره يوم تتعلمين عالحلويات .. ابدعي في الطبخ .. و ماعليج من حد صكي باب المطبخ علييج واشتغلي براحتج .. او مثلا اول تجارب لج سويها فبيت اهلج .. و ما علييج من التعلقياااات <<< مايهزج ريييح

ربي يوفقج يـــارب .. وبشرينا عنج يوم بتحاولين