السلام عليكم
بغيت استفسر عن شي ويالست تساعدوني
انا رقمي بسم الوالده وابا اقطعه لانه وايد اتيني ازعاجات عليه فباجر بسير الاتصالات والوالده ماتقدر تسير معاي فأنا بسير يااخويه عسب اقطعه ولو الودي ابا اقطعه اليوم قبل باجر والوالده بتعطيني جوازها عسب اقطعه فالحين باجر لوسرت اخاف يسوولي سالفه ومايرضون ولاعادي لوشافو الجواز يقطعولي اياه
ساعدووني
عادي اختي دام امج وحرمه كبيره بيتفهمون الوضع
ماااااااااايحتاج اتسيرين اصلا
اتصلي فيهم وقولي لهم بطاقتي ضاعت واخاف حد يستخدمها وبيطلع رقم الجواز وعلى طول بيقطعها
انا يوم بطاقت تيلفوني ضاعت جيه سويت
الغاليه مايحتاي تروحين الاتصالا اتصلي فيهم وقوليلهم بطاقتي ضاعت وابا اقطعها بياخذون رقم الجواز وتاريخ الميلاد وباسم منو البطاقه وبس لاتروحين لهم لانه بيقولون نبا الوالده وسااااااااالفه طويله عريضه
تسلمووون ويصير خير لين بااجر
انا ابا اقطعها نهائيا يعني اي حد يدقلي يظهرلهم مقطوع موقتا
مابا يظهرلهم مغلق لوغلقتها ماستفيد شي
مثل ما قالوا اقطعيها عن اطريق الاتصال ع 101