بغيت مساعدتكم
ابي أتعلم اشوي الدجاج
بس مع ابغي شي تقليدي
لانه زوجي يحب الدجاج المشوي
بس أبا طريقة حلوة ولذيذة
لتتبيل وتبهير قطع الدجاج
انتظر طرقكم الللذيذة
أول شي ملح وبهارات(فلفل اسود-كركم-قرفا-بزار-هيل)طبعا كله مطحون
بعدين دقي ثوم معاه فلفل اخضر حارمع زنجبيل وكثري ترا هذا يحليه وملعقة صلصة ودهني الدياي بكل هالشي زين مازين وآخر شي رشي عليه شوي صلصة صويا عشان يعطي شوية حموضة وخليه في الثلاجة اقل شي 4 ساعات وقبل لا تشوينه رشيه زيت زيتون وربي لذيذ انشالله يعجبكم
خذي الديايه واقسميها اربع اقسام يعني من النص عقب من الجنبين لاتشيلن الجلد
عقب حطيه فالجدر وحطي 3 كاسات ماي بعدين ضيفي ملح ودقي الثوم + الزنجبيل ضيفي للدجاج وحطي ملعقه كزبره مطحونه وملعق صغيره كمون وشويه كركم مطحون وشويه كاري او تندوري مسالا وملح خليه يالغاليه يغلي اللين ما بتدي الماي ينشف بس لا تخلينه ينشف بالمره خلي شوي بتكون خلطه الكمون ثجيله شوي شرات الصلصه خذي صينيه البايركس حطي قصدير عقب صفي الدجاج عقب الصلصه اللي موجوده في الجدر امسحي فيها الدياي من كل صوب عقب حطيه بالفرن اللين مايحمر اول ماتحطينه بالفرن حطي فحمه عالنار اللين ماتحمر
شيكي عالدجاج من يحمر وتظهرينه من الفرن خذي فنيان حطي شويه زيت وخليه داخل الصينيه عقب حطي الجمره وغطيه عطول ظهري الفنيان وقت التقديم
خذي صحن حلو للتقديم قصي كميه خس وحطي فالصحن عقب صفي الجاج وزينب بشرائح الليمون وهني وعافيه
جربو ودعولي
دياية قصيها نصين او 4 اجزاء وفي كل جزء حطي شقوق بالدياي عسب يتبل صح
هاتي ثوم وشوي زنجبيل مدقوق وبهاراتج الي تحبينها وضروري كركم وفلفل اسود شوي ورو وزيت زيتون . وصلصله وليمون او خل وملح وحطي الخلطة باكياس وقطع الدياي وحركي واتركيها لثاني يوم بباب الثلاجه العاديه