كل وحده تقول لينا شلون علاقتها بحمواتها ( أخوات الزوج) وشلون كسبتهم .
أني بصراحة عندي حموات بس جايبين لي الهم ساعات طيبين وساعات …أحسهم يغارون مني عشان أخذت أخوهم الوحيد عنهم .,ويدخلون فقراراتي وماأعجبهم ويبوني اصير نسخة مطابقة لهم بكل شي حتى اللبس ,,
أحس فيني ضيقة ,,وخصوصا مستحييييييييل يصير عندي بيت بروحي أنا وزوجي وولدي لان هو وحيد أمه وخواته .
أحب زوجي وعمتي بس خواته ساعات مايعطوني ويه ويدخلون بكل شيء بلبس ولدي وقراراتي وووو ,..يقول لي زوجي عامليهم كنهم خواتج احاول بس ماقدر احس غير
أحس صرت فترة اتأثر بأرآهم وكل شيء يقولونه وماحب هالصفة كلش فقدت ثقتي بنفسي دوم أنتقادات فيني طبعا مو كلهم بس 2 الي ينتقدوني دايما مادري شسوي مشكلتي أول مادخلت كنت طيبة واااااايد معهم وعلى نياتي بس كيف أكون طيبة معاهم وبنفس الوقت حازمة وماتاثر بالي يقولونه كيف أعيش حياتي من دون تدخلاتهم بكل شيء فيني أنا الحين متغربة مع زوجي سنة وساعات مايكلموني عدل لاني أخذت اخوهم وسافرنا طبعا عنده عمل ..ويغارون مني اذا طلعت مكان وتمشينا بس مايقولون ليي بس واضح واذا رحنا تمشينا ماقول ليهم عشان أخاف على شعورهم ,,احس روحي كني مسوية جريمة خخخ
ومباقي شيء ونرجع قولو لي شلون أتعامل معاهم تعبتتتتتتتتتتتتت والله .
ماكو أحلى من الأستقلالية في الحياة الزوجية .
تحياتي ..
انا بعد اعاني من خوات ريلي …. عشان جي اكون بعيده احسن …
في البدايه كنت طيبه وعلى نياتاتي واللي يقولونه اسويه .. بس شفتهم مصخوها ويتامرون جان يطلع لساني ورديت عليهم بس بطريقه حلوة ….
حتى في العرس كانوا وايد يتامرون تعالي هني والبسي هذا وروحي هالصالون … بس انا كنت معاندتهم كنت اروح ويا اختي … وانا قلت حق ريلي صلون فيه خواتكم مب رايحه مافي عالمشاكل والضرابه …
ببس الحمدلله قدرت ارد عليهم … واخليهم يستكون مني … ومايتدخلون في شؤوني الخاصه لاني ارد عليهم .. واقولهم انا يعجبني هالشي وراضيه انتوا شودخلكم …
بس الحمدلله الامور تعدلت …. والله يهدي الجميــع
الغاليه طنشي ولاتهتمين .. انا كنت اطنش واخلي عمري بارده فعشان جي كانوا ينقهرون من برودتي الزايده خخخخخخ
والله يكون في عونج … والله حاسه فيــج ..
خليه شعارج .. ترا مب كل الشخصيات الطيبة تنفع وياهم لو تذبيحين عمرج ما بتنالين رضاهم ..
سوي اللي يريحج و خذي حقج بلسانج بحدود الادب طبعا و ما عليج من الباقي ..
وخالتي حبيبتي احبهااا
بس شوفى انا عندي وحده من اهل ريلي تدخل بس وقفتها عند حدها (اسمع من اذن و اطلع من الاذن الثانيه ) و ما اخليها تعرف شي عن حياااتي ابدا ابدا الا الي انا بقوله بمزاجي…
وبينت حق زوجي تدخلها بكرهني فيها وكونها بعيده بتضل عزيزه وغاليه..
و ترى انا كنت نفسج لما ابي اطلع مع ريلي تحلف علينا نقعد معاها المصيبه ريلي مو محرم لها…..
و عن حلفها خل تدفع عشر دنانير محد قالها تحلف و كنت توي عرووس 
وما اخذ الامور بحساسيه لما ينتقدون عيالي او اي شي يخصني عادي مجرد راي وينطرح اخذ فيه ولا اسويله اكبر طاف
لاني مدام عايشه معاهم واكل واشرب من بيتهم بعدني بحترمهم ولابطول لساني على اي حد منهم بعاملهم مثل الخوات
مايعطوني ويه عادي شو المشكله مابتحسس وانا من النوع اللي ايلس وياهم ومع عمتي لو كانن مايرمسن عندي عمتي وابو زوجي اسولف وياهم
صح بالاول كنت اتحسس لكن قلت ليش اتعب نفسي وقلت مدام اني عايشه لازم ااقلم نفسي معاهم
يا اختيه الواحد شو بياخذ من هالدنيا تراه الا هذيج القطعه البيضه بس
بس اذا تبغين حل قللي يلستج معاهم اذا انتي من النوع الحساس يعني لهي نفسج بالكتب
اشغلي نفسج يعني
وان حسيتي انهم ساكتين او زعلانين اعزميهم على كيكه من ايدج او انهم يشاركونج فيها في المطبخ
وسبحان الله ولااله الا الله محمدا رسول الله