راس البيبي فوق وانا في الثامن

بنات راس البيبي فوق وانا في الثامن خوفتني وحده من الدكاتره قالت لي بتربين بعمليه ورحت عند وحده ثانيه تقول عادي في التاسع والا اخر الثامن يكون الموضوع خطير اربيعتي تقول قالولها من السابع راس البيبي فوق راحت عند الدكتورة زينب في دبي تعدله بس ما طاع يعتدل وربت بعمليه والله انا اللي احاتيه الصراحه وايد اخاف من بطني ما بيرجع طبيعي بعد الولاده بليز خبروني هل حد مثلي والا انا بس هل الامر عادي والا لا بلييييييييييييييييييييز ادعولي في هذا الشهر الكريم انه يسهل ولادتي واربي طبيعي ؟؟؟؟؟؟؟؟

خلي حد يمسحج ,,,المسح وااااااااايد اوكى وينزل الراس

اخت اربيعتي كان جي بس الحمدالله بالمسح وايد اعتدل الراس وولدت طبيعتي واول شي قايلين لها بتولدين بالقيصريه

بس روحي عنده وحده تعرف تمسح عدل

الغالية روحي عند الدكتورة زينب وان شاء الله راح تنزل لج راس البيبي ولا تهملين الموضوع لانه في التاسع البيبي يكون كبير وصعب انها تنزل راسه وهي واايد شااطرة لاتهملين عمرج روحي لها اليوم وطمنينا والله يسهل عليج وينزل راس البيبي ان شاء الله

ويه يعني الموضوع خطير لازم اتلاحق عمري من الحين مشكورين وما قصرتوا بس ممكن تخبروني شو اسم عيادة الدكتورة زينب باخذ موعد لانه انا من بوظبي

ا هلا الغلا اول شي الله يسهل عليج ويالله شدي حيلج وتلاحقي عمرج وانشالله تربين طبيعي وانا كنت نفس حالتج وربيت قيصير بس الحمد لله على كل شي والله يسهل عليج يارب

بالنسبة لربيعتج اللي كانت في الشهر السابع ….ما كان في داعي تروح تمسح
لأن معروف ان البيبي بعده صغيرة ويتحرك وايد وممكن يقلب بروحه ..
وحتى لو قلب مع المسح وارد جدا انه يرجع يلف مره ثانيه..يمكن عشان جي ربيعتج ما استفادت

لو سألت الدكاترة بيقولون من المتوقع ان راس البيبي ينزل في الاسبوع الـ32 الى الاسبوع الـ34
(يعني بداية الشهر الثامن الى نصفه)
وبالنسبه للمسح …في الكورنيش يقولون ان أفضل وقت للمسح هو الاسبوع الاسبوعين 36و37 (بداية التاسع)
لأن قبل الاسبوع الـ36 يخافون ان البيبي يرجع يتحرك مره ثانيه ويروح التعب على الفاضي