حبيت أعرضلكم بعض من صور تقريري لسفرة الصيف 2024 .. وكانت الرحله في شهر ثمانيه .. واتمنى تعيبكم .. 
تصوير الرحله كله من كاميرة Canon 450D طبعا يتني هدية من بو الشباب في نفس يوم السفر .. وما عرفتلهاااااا وااايد بس اتعلمت عليهاااا .. 
تاريخ السفر 4/8/2017 .. عدد الاشخاص .. انا وبو الشباب وبناتي الهنتين فديتهم .. و الخدااااااامه .. سرناااا المطار ع الساعه 1 .. ولازم أندخل شنطنااااا .. وطيارتناااا أطير ع السااااعه 3 .. سرنااا لونج طيران الامااارات .. شربنااا كوفي عشان انصحصح .. و اليهااال مستعيلين يبون الطيااااااره .. وحشرة مستمره لين ما ركبناااا طيارتنااا .. وقلنااا بسم الله ..
وصلنا مطار بانكوك الدولي .. وهنيه لازم أتغير وجهتناااا و نسير قسم الطيران الداخلي لان رحلتناااا جزيرة بوكت .. تريناااا شوووي وركبنااااااا الطياااره .. وطبعااا ما شاااء الله مكثر العرب في الطياااره .. عشان جيه ما رمت اصورهااا من الداااخل .. تميت اصور المناظر الحلوه وانا أتامل الطبيعه و اقووول سبحان الله كيف بلادهم حلوه و خضره .. شوفو الصور ..
بديناااا انقرب من بوكـــــــــــــــــيت ..
وصلنا المطاااااار وأحين بنهبط .. أستعدووو للهبوط ..
هاااي نفس طيااارتنااااا ..
الحمد الله ع السلامه .. نحنا دااااااخل المطااااار ..
ولازم الفوطه المبلله البارده بريحة الليمون المنعشه .. من عقب رحلة طويله
وهااااي الصور ع دربنااااااا و نحناااا سااايرين الفندق ..
وصلنااااا المنتجع و الحمدالله .. وهذاااا الممر بالسيااااره ..
ودخلناااااا اللوبي .. عقب استقبااااااال رااائع بالورد ..
وهااااي وردتي و وردة بو الشباااااب ..
فديت إيدكم يا بنااااتي .. وايد فرحوووا بورووودهم ..
دخلنا المكتبه .. عشااان ياااخذون المعلومات من الجوااازااات .. ويطالعون العدد .. واستقبلونااااا بالعصير و الفوط المبلله ..
هنيه المكتبه ..
كلهاااا جاماااااات ومسوووين مثل النهر تقدرون اتشوفونه ..
شكلها الرحله حلوة من اولها ^_^
اهني الذوق والأخلاق والطيبة كلها…
تستاهلين كل خير ياقلبي^^
والحمد لله اللي استانستوا…والله يهنيكم دوم يارب…
متاااابعتنج