رحله عيد زواجي,في البر,,هيي في البر لا تستغربن ,,,تعالن وشوفن مع الصور

السلام عليكم ورحمة الله وبركاته ,,,

انا كنت اشوف كثير من التقريرات والصور وكل مره اقول حق عمري بشارك برحلاتي وسفريه للخارج وابتدي بالترتيبات 00بس لما ارجع واشوف الصور اقول بعدين لين ما انساهن ,,,,, بس هي المره قلت رحله بسيطه وصغيره منها اشارك فيها اخواني في المنتدى,,,,,,واوعدكم انزل الجزء الثاني منها اللي هوه منسابة ذكرى زواجي بالضبط 2-1-2017 لانه عرسي كان 1-1-2017 الرياايل واليووم اللي كان معزم عليه يكون يوم العرس مع اني حاولت بشتا الطرق انه ما يكون في هذا اليوم لكن ايرادت رب العالمين فوق اي شي ,,,,,ويوم الدخله كان تاريخ 2-1-2017,,,,,,,,,,,,جني سولفت وايد عن يوم عرسي <<<<<<<<<<<<ههههههههههههه ما تنعطى ويه

يالله نبدا موضوعنا,,
الجو يجنن والرحلات البريه ما نقدر نستغنى عنها في هذي الاجواء الحلوه اخترت يوم 1-1-2017 انها تكون رحلتيه البريه مع ريلي ,,,,,,,,,,, ليست الاولى ولا الاخيره باذن الله بس المناسبه اللي في هذا اليوم غير عن اي يوم ,, منها انها مناسبة راس السنه والسبب الثاني ,,انها مناسبة ذكرى زواجي الاول فحبيت اسويها مفاجاه لريلي في الترتيبات اللي هيه

كانت رحله بريه مع وجبة عشاء في البر

كانت ترتيباتي كالتالي الساعه 10 الصبح قررت انه ارتب كل شي ,,,,طلعت الاغراض وبديت ارتب طلعت الدياي من الفريزر وحمستها وخليتها لين قبل طلعتنا
ورتبت المعمل (اللي هوه عباره عن شنطه تحتوي على كل شي مثل السكر الشاي والحليب والغوري والادوات المستخدمه في البر حتا الجوله )

ومحتويات العشاء وترتيباتنا كانت دجاجه مثل ما ذكر ت محمستنها بالفلفل والملح والبزار البهارات العربيه,,

وصالونه محتوياتها خضروات وصلصه طماطم,,

بطاطا قطعتهن على شكل مربعات وبهرتهن بالملح والفلفل اسود واحمر وحطيتهن في قصدير ممسوح بدهنه الطيبه اللي هيه السمن العربي .

ولا تخلى السيره من الذرى حق الشوي ,,,,,,,,,

ر تبت كل شي وحطيته في السياره من غيرما يعرف ريلي ,,,,,,,,,,,

وخبرته اني قررنا نسير البر نتمشا قالي خلاص الساعه 2 ونص خليج ريديييي ,,,طلعنا من البيت في الوقت المناسب ,,,,و كملنا ساعه على الدرب تقريبا طلعتنا كانت من ابوظبي لين منطقه قريب العين ,,,,,,,,,

تحوطنا ونزلنا في مكان يجنن ,,,,,,قلت حق ريلي خلاص بنيلس في هذا المكان,,,سار الحبيب بدا ييب الحطب عشان نسوي الجاهي اللي ما نستغنى عنه في سيراتنا ,,,, وانا نزلت السامان ,,,,,,بعد الرجعه تفاجا بالاغراض قالي شوه كل هذا قلتله اني مرتبتلك وجبة عشا محترمه في البر ,,,,,,,,,,,,,,

جان يستانس وعجبته الفكره عموما قضينا وقت واااااااايد ممتع,,,,وذكرياته ما تنسى ,,,اسمحولي على الاطاله,,,,,, اخليكم مع الصور

بناااااااااات اسمحلي ما نزلت الصور قعت احاايل ساااعه ما قدرت انزلهن وما عرفت اوعدكن باجر ارد وانزلهن ,,,,,,,,,,,,,,,هذا الموضوع دووووووووم احاول انزله واللي يوقفني دايما الصور ,,وعدم معرفتي في تنزيلهن

alah y5lekm lb3a’9 wla y’3ir 3likm waiting 4 da pix

اوكي وين الاشسمى الي هاذا ماصورتيه
اللي هو الاساس في الطلعه !!!!!!!!!!!
على العموم حلوالمكان

كنت ابا اشوف ترتيبج للوجبـــه

بس الصراحه فكرتكم حلوووه

ربي يسعدكم إن شاء الله

وهذي الاغراض ,,والمعمل اللي قلتلكم عنه

وما قدرت اصبر لين ريلي ما اييب الحطب وبديت في الجاهي وترتيباته ,,,,

وقبل ماا ايي الحطب

انا كان الجاهيي مالي جاهز هههههههههههههه <<<<<< ما فيها صبر