حابه أناقشكن في موضوع ،،،
أو بالأحرئ في مقوله تتردد دائما !!!!
الا وهي " رضى الزوج من رضى أهل الزوج "
علما ان هذي المقولة ما كانت موجودة في قاموس حياتي. .
وشكرا.
من رايي.. ماله دخل بس هالشي راح يأثر على حياة الزوجين… بس اهم شي الوحده تكون مرضيه ربها واهلها وزوجها و والدينه اهم شي…ومن ناحيه اخرى هو اريح لج من المشاكل وصدعه الراس ويا اهله
هي عليها أن تحاول ولا تعاديهم
والصراحة بشكل عام الزوج يكون مرتاح اذا كانت زوجته متفاهمة مع أهله وبالتالي سينعكس هذا على حياتها
والحياة الزوجية تحتاج الى الحنكة والذكاء
كوني معاهم طيبه ولا تدخلين بأشياء ما تعنيج بتسلمين طول العمر وانتي الكسبانه طبعا…
اهم شي يكون راضي عليج
عن نفسي اهل ريلي يحبوني وهو يحبني
وقالي محد مكبر راسج علي غير اهلي ههههههههههه
يعني اللي تحب ريلها لازم بتحب اللي يحبهم وهله اهم الناس بالنسبه له
ومثل ما الحرمه تحب ان ريلها يكون زين مع هلها
هو بعد يحب حرمته تكون زينه مع هله
انا سياستي اني اسوي واجبيه معاهم وما اقصر بأي بحد فيهم ان طاح بيتي واوصلهم فالسراء والضراء واذا صار اي خلاف بيني وبين حد فيهم ما اتكلم بالموضوع جدام ريلي ابدا" وتنحل السالفه بينا بدون علمه لانه فالنهايه هذيل هله ما بيرضى فيهم حتى لو هم غلطانين وأهم شي اسويه اني ما اتدخل في اي شي بينهم الا اذا حد منهم خذ رايي في موضوع اقول رايي وبحذر بعد عشان ما انفهم بطريقه مش عدله
وهالشي مريحني واااايد وهم وايد يحترموني وريلي مبسوط من علاقتنا لانه دوم يشوفنا نفوسنا طيبه مع بعض
يعني اللي تبا سعادتها مع ريلها لازم تحاول على قد ما تقدر تكون علاقتها طيبه مع هله
هذا رايي والسموحه