أنا عندي مشكلة وملوعة جبدي الصراحة
وابا الحل من اللي عندهن خبرة
انا اول ما خذت ريلي ابداً ماكنت ألاحظ إنه في هالطبع؟
اللي هو النكد؟ وإنه ما عنده سواااالف..
أنا إنساااانة وااااايد كنت احب اسولف واظحك واتعرف عالناس
بس أحس عقب ما عرست استويت وايد انطوائية،،ماحب أرمس وايد،، وما أظحك نفس قبل..
حتى ربيعاتي يقولون لي بلاج تغيريتي؟ استويتي ثجيلة دم؟
أحس حركته وردة فعله يوم أرمسه هي اللي خلتني أستوي جي..
يعني يوم أرمسه.. أحس ما شي ري آكشن.. جنه يبينلي انه رمستي سخيفة.
وماعنده سوالفه.. ويوم يسولف أحس سوااالفه وايد سخيفة..
أحس علاقتي فيه ما استوت شرات قبل.. حتى يوم نيلس مع بعض كله ساكتين.
انا قبل كنت احشره فالسوالف واسولف عن كل شي.
بس يوم جفت جي أسلوبه.. ماقمت أسولف وياه شرات قبل. استويت كله أسكت.
واذا بسولف اسولف مع الكل بس ماحب اسولف وياه.
وهيه.. أي سالفة عادية تستوي في بيتهم؟ ما يحب يرمسني عنها؟ أحسه يتكلم برسمية من هالناحية؟
جنه ما يبا يتكلم..
بس أنا يوم تستوي سوالف في بيتنا.. أخبره عاادي.
كيف أتعامل وياه؟
الله يعينا
المشاركة الأصلية كتبت بواسطة حزن قلبي 
الله يعينا
أدري إنه طبيعة الريـــ،،ـــال غير الحرمة..
ووايد قارية عن هالشي..
بس أنا أحســ،،ـــــه مايرمسني جني حرمته.. ومايفتح لي قلبه
عكســ،،ــي تماماً.. أنا ماحب أحط شي في خــ،،ــــــاطري
يعني يحـــ،،ــــــاسب وايد في الكلام وياي.
مب كل الرياييل يسكتون
انا الحمدالله ريلي فرفوش وسواالف وهذربان اكثر عني ماشاءالله عليه تف تف
وكل شي يقولي اياه سواء عن بيتهم والا دوامه والا ربعه والا شي خاص فيه
يعني هو يفتح لي قلبه بدون ما اسئله
وصح صعبه يوم ريلج ما يسولف وكلللله ساكت تعب والله -_-
انتي اسكتي عنه والا فتحيله الموضوع قوليله احسك مرات ما تبا تسولف ويايه
والا اي شي
وان شاءالله يتغير ^_^
ويسهل اموووركم