بنات ريلي يدرس في هالكليه والكلاس الي هوه فيه نصه بنات ونصه شباب
وانا مووووووول بالي مب مطمن ومب مرتاحه لانه يدرس مع بنات
ومقهوره لانه كل يوم يشوفهم ويتسكر عليهم باب واحد مب متحمله خبروني شسوي
وانا ادري ان ريلي عينه زايغه وما اصدقه يوم يقولي نحن مايخصنا فالبنات نيي ندرس ونطلع ماقدر اصدقه لان ادري انه قلبه بسرعه يلين للبنات
انا ابا اريح راسي من التفكير طول الوقت افكر اليوم شو سوا ومنو شاف فالكلاس ونفسي اعرف البنات شو متلبسات وكيف متكشخات حق ريايلنا ونحن فالبيت ماندري عن شي
لاتقولولي انتي تعدليله وتعطريله فالبيت وامزري عينه قبل مايضهر
انا عندي صغيرون وتعرفون الي عندها صغير لازم كل ربع ساعه ترضع وكله تتحرك وتبدله وحالتها لله انا في هالفتره وخاصه في النهار ماقدر اتلبسله واترصص له واتعطر له واخلي ولدي يسطك صدره بسبت العطر انا بس فليل البس له واتعطر له بعد مايرقد ولدي
ولاتقولولي ان البنات مالهن خص واذا ريلج سيده مابيطالع واذا مب سيده بيطالع اصراحه انا شبعت انا من هرمسه اصلا هن البنات ساس البلا وهن الي مخربات مجتمعنا ومسببات التفكك الاسري
الريال بيقاوم وبيغض النضر يوم يومين ثلاث عاد مب دوم وهن كل ماييلهن يزيدن في التعديل وفي التلبيس نحن بنربي عيالنا ولا بنيلس نفكر في الريال وبنسويله شرات مايسون هالضايعات تر هن ماوراهن عيال ولا وراهن شي غير التعديل
والله تعبت خبرني شو اسوي
واذا في حد تعرف شي عن هالكليه طمنني كيف البنات الي فيها هل من النوع الي يرابعن ورا الريايل ويرمسنهم ولا كل واحد في حاله وايد بالي مشغول عريلي
لاني كل ماسأله عنهن يتم يعصب ويقولي انتي ماعندج سيره الا هالبنات الي ادرس وياهن ومايطيع يجاوبني لاني يدريبي غيروه واعصب بسرعه واليوم يوم سألته قالي جب مايخصج فيهن بطريقه زفته ماعرف اصراحه شسوي احيانا احس اني اكرهه بسبت هالبنات
واحيانا احس ان انا فيه حاله نفسيه ههههه والله اني طفرت طفرت
والله خذت رقم الكليه اليوم وافكر اتصلبهم لان ريلي ضيقبي وكل ماسأله عن شي يسكتني وابا اسال عن كلاس ريلي وهل في كلاس ثاني غير المختلط ونفسي اسأل كم عدد البنات الي يدرسن وياه بس استحي بيقولون هاي شو دخلها في عدد البنات
ادري في خاطركن بتقولن واااااال كيف معقده هالانسانه بس والله من الي اشوفه من ريلي واكيد في بنات غيري يغارن على ريايلهن شراتي
بليز الي بترد عليه رد يضيق بي مررره لاااااا ترد
والي بتهون عليه الله يهون عليها دنيا وآخره
بصرااحه ما الومج ههه ..
اممم اكثري من الاستغفاار بنية غض البصر ..
والله فديتج ماعرف شي عن هالكلية والله يعينج بس ماعليج الغالية انا ريلي في دورة فالشرطة وجان تبين الصدج محطين عندهم حريم بعد ويوم قالي دارت بي الدنيا مع اني عارفه ريلي هب مال بنات
وكل ما يرجع من الدوام اساله ها شو سويت منو طالعت ومن قالك ي خخخخخخخخ يتم يضحك علي يقولي انتي هب صاحية هع بس والله يخبرني عن كل شي واصلا البنات مالهم شغل فالشباب والحمد لله تطمننت
بس انتي الغالية هاي دراسة يعني ريلج مجبور فيها واالا عسب يغير الكلاس لو في كلاس كله شباب يدور عندهم تفاهمي وياه فديتج ولا تعورين براسج تراج والله بتهلكين
اهتمي بريلج وولدج ونفسج وتوكلي على الله ماعليج ولو رمس وسوا فلنهاية مرده لج بس فديتج لاتشككين به لان جي بيضايج ومابيقولج اي شي انتي سكتي عنه شوفي هو بيقولج اليوم جي صار وجي والا والله يطمن قليبج الغالية
والسمووووووووووووووحة
اولا حاولي انج اتقللين من اسألتج لان الريال بطبعه يكره الحرمه اللحوحه والزنانه
وبعدين خليج عادي وهدي اعصابج لانج اذا تميتي على هالحال راح تتعبين زياده
الريال يحب الحرمه اللي واثقه بنفسها حسسيه ان البنات اللي في الكلاس مايهمونج في شيء ولا تيبين سيرتهن ابد
وحاولي تشغلين تفكيرج بشىء ثاني ودايم كلميه في مواضيع ماتخص كليته وشوفي هو شلون راح يتغير معاج ويمكن بعدين هو من نفسه اي ويقولج موافق صارتله في الكليه
والله يهديه ويسخر قلبه لج ولي ولدج
بس انتي من ناحية اللبس لاااااازم تلبسين له ومب شرط يكون الضيج والعطر يسك بالصدر
البسي شورتات برمودات تنانير قصيره ومن هالسوالف الخفيفه والمريحه
واهم شي ويهج . حطي ميكب خفيف خمس دقايق بس ما راح ياخذ من وقتج واايد عشان ما يقول اللي عندي ما تهتم ويجوف اللي برع شقايل متعدلات
اختي مافي الا تروحين هناك وتتاكدين اتنقبي عسب ريلج مايعرفج اونج رايحه عسب اتسجلين
ههههه والله ماعرف شو الحل