اشحالكن خواتي ؟؟
شوو الاشياء الطبيعية التي تستخدم لعلاج الاطفال من الزكام لـ أقل من سنه ؟؟
وشكرا
اب
بالبادي الفكس في خاص للاطفال انا اخذه وفرك صدرة وظهرة واحط ع ريولة وإذا كان الفكس ثجيل اخففه بزيت الزيتون
وطبعا البس ريولة الجرابات
وعصير البرتقال وايد اوكيه عساس الزجام والشمس طبعا خاصة شمس الضحى وايد اتفيدهم وإذا كان مسكر واتحسين راسة يعورة في عندنا نحن اهل الامارات شي عند يداتنه خلطة من الزعفران وفي مسميات له مثل مايقولون يبرد الراس ويريحهم انا دايم احطة لولدي لا حستة بيتهب علي
اهاه وعن انسا دخون لبان ادخنينهم وادخيين الفرش مالهم
ومي وصفة من الدكتور يقول تبخرين الغرفة بالفكس
كيف
اثورين ماااي لين الغاليان (انا بصراحة احط في البويلر)وتحطين نقطييتين من الفكس ومثل ماتبخرين بالدخون بخري بالفكس
واسمحولي طولت عليكم
إنشاء الله اكون فدتكم بشي وربي يحفظ عيالنا
انا استخدم لبنتي يوم اييها زكااام .. مسماااار مطحووون ناعم .. وزيت زيتووون
…
اول شي ادفي زيت الزيتون .. واحطيه ف راحة ريولهااا .. وخلاف احطي فوقه المسمار المطحون .. واييب ورق مشمع او الورق النايلون واغطي فيه ريول بنتي .. خلاف احطيلها الزليغات …
استمر ع هالطريقه 3 اياااام بس .. ويخوووز عنهااا كليااا الحمد لله ..
طبعا استخدمه فالليل .. واخوزه عنها الصبح ..
وع فكره هالطريقه شفتهااا هنيه فالمنتدى .. بس ما اذكر اسم العضوووه .. ولا الموضوع ..
وطبقتهااا .. ويابت نتيجه حلوووه ..
ويوم خبرت الوالده .. قالت اللي فالريووول يمتصه الراس ..