انا متزوجة من 3 سنين وزوجي بصراحة ما يحب اهلي ويضل يعيب عليهم حتى لو عشي فاضي وجوزي حساس لا يتقبل مزح ولا كلام عادي منهم ويقلبها جد ومشاكل عراسي وانا متحيرة ودائما يعاملني بطريقة يقلل من قيمتي ودايما يذكرني انه ندمان انه اخذني ودايما يشعرني انه بكرهني مع اني بحبه كتير ودايما بحاول اسعده وبيننا ولدين والصغير عمره شهريين ورغم هالشي بهددني بالطلاق فشو رايكم؟؟؟؟؟؟؟؟؟
دايما ادعي له …
قابلي الاساءه بالاحسان …
داااااام ابينكم عيال …اصبري
و الله يعينج
لا حول ولا قوة إلا بالله
غاليتي 
موضوعج ما فيه نقطـة وحدة
انتي قلتي وايد ملاحظات كبيرة ومب هينـة
ببدأ بأهلج أختي
غاليتي هذول أهلج الي ربوج وكبروج
ومن أقل ما تقدمين لهم بعد الزواج هو الإحترام
ومن احترامج لهم ,, توقفين اي انسان يقلل من احترامهم
خاصة ريلج
لازم تكلميه أختي بكل وضوع وجدية !!
هذا الموضوع مب هين
والي ما يرضاه لنفسه لازم ما يرضاه لج
ثاني شي أختي اهانته لج ..
انتي انسانـة مكرمـة من رب العالمين ,, خالق العباد
وما عاش من يهينك
أنا ما أقولك سوي انتفاضـة
لكن حطي النقاط على الحروف
ومن حقج يحترمج ريلج
ومن حقج أختي كإنسانـة تحصلين الإحترام من الناس
بس أهم شي راجعي نفسج غاليتي
ممكن تعامله وياج انعكاس لتعاملج معاه
يمكن انتي بطبيعتج تصارخين أو عصبية أو عنيدة
هالأشياء كلها تقلل من قيمة الحرمـة في عين ريلها
فراجعي نفسج أولا لإن اذا المشكلـة فيج بيكون سهل تنحل
لإن عندنا قدرة على أنفسنا أكثر من قدرتنا على غيرنا
بس اذا شفتي نفسج أختي ما فيج شي
فشوفي حد من أهلج أو أهل ريلج له راع بالنصيحـة والاسلوب الطيبـ ينصحه
شوفي ربع ريلج يمكن مب صحبـة صالحـة
وبالأول والأخير شوفي أختي حالكم مع دينكم
اذا مقصرين في اي جانب من الصلاة للزكاة للصدقـة للصوم الاستغفار قيام الليل
فحاولي تشجعينه وتشجعين نفسج عليها
وبإذن الله ما بتخيبين
يهديييييه ويصلح باله ويحنن قلبه علييييييج..
الله يهديه ويصلحه ويسخره لج
واذا الشخص ما يحبني وانا احبه وكل مره يهددني بالطلاق اعتبرها مذله واهانه لي وانا طالعه من البيت والله لا اخليه يندم كثر شعر راسه هذا من راي الشخصي ولو كنت انا بعيد الشر عايشه نفس حالتح يعني بسوي جذه اللي يبيعني ابيعه ولا دمعه من عيوني بتنزل عليه وماله حق انه يذم اهلى او يقول كلام يجرح عنهم لاني بعتبره مو متربي صح واهله ما علومه الادب واحترام الغير