ساعدوني تعبت من الكسل والخمول والله تعبت ومدري شو السبب

السلام عليكم خواتي هيه والله تعبت من الكسل اللي فيني انا من النوع اللي احب كل شئ بس اللي يخرب علي الكسل أتكاسل وايد حتى ريلي بتزوج علي بسبب هالكسل وللحين ماعرف شو سبب هالكسل عيالي أهملت هم نفسي أهملتها حتى صلاتي مقصرة فيها والسبب الكسل يارب تعبت شو أسوي والله أتمنى حتى لو في حبوب تمنع النوم بأخذها بس اهم شئ ماكون كسوله أنا أشوف الكسل مرض بس ماله علاج أتمنى من كل وحدة صار عندها مثل مشكلتي الكسل وتعالجت منه ياليت تفيدني ع الأقل تعطيني أمل أن في حل وماتقصرن يزاكن الله خير واللي تشوف أن هذا شئ عادي لا والله أنا أشوف انه مرض

أنا يا خواتي في حال لم يعلم به إلا رب العالمين زهقت من كل النواحي بسبب هالشي

الله يعينج حبيبتي
لازم تروحين المستشفى وتسوين فحوصات
اكيد فيه سبب
لازم تتنشطين عشانج انتي عشان صحتج
وان شاءالله ما فيج الا العافيه

سوي تحليل الغده الدرقيه والحديد
أنا كنت مثلج يمكن اخس كانت الغده خامله والحمدالله الحين أحسن

اختي رحت المستشفى ؟؟

لازم تروحي المستشفى وتسوين فحوصات لاني كنت اعاني وطلع في عندي نقص في معادن مهمة !
الخمول احيانا يجي من الصفرة عافك الله من كل مرض

وخذي لك تفاح أخضر يساعد على التنشيط

تسلمون حبيباتي ع الردود يزاكن ألف خير سويت تحليل الغده كذا مره بس طلعت النتيجة زينة

ماجد شراتي تسلمين يا قلبي ع ردج والله كل مالي وأضعف لانه الكسل بعد يسد الشهيه ويومي ما يمشي إلا بالمنبهات من نسكافيه وغيره ً…بدونه يومي كله رقاد