سجلت في ذا المنتدى علشان اخذ رايكن في موضوعي

اسمعو زين والي ماعندها حل تسكت

الله يسلمكن هذاواحد اماراتي يعرف ابوي كان يشتغل مع ابوي في ارامكو الظهران
بعدين استقااال مدري وين راح

المهم قبل شهرين اتصل على طويل العمر ابوي وقاله عندي لك كلمة راس
قال ابوي اسلم
قال الرجل انا ابي اجيك واسلم عليك وعندي لك مويضيع وابي وصف البيت
قال ابوي طيب تدخل السعوديه وتاخذ لفه يمين ويسار وكذا وكذا وعطاه الوصف
المهم جا الرجل بعد 3 ايام من الاتصال ومعه ولده
اخذو فنجالهم
وهم جالسين في المجلس
وانا منسدحه احل الواجب في الصاله وامي تشرب شاهي
الا ويجي ابوي يدخل قال لامي ترى الضيوف حلفوا مايتعشون وبيروحون الحين

المهم راحوا
جاب ابوي المعاميل بالصاله
وقال يافلانه روحي غرفتك
قلت ليش
قال اذلفي وبس!

رقيت انا بالدرج وقعدت اتسمع
بلاي داريه ان السالفه فيها إنّا ههههههههههههههههههه

وقفت الا اسمع ابوي يقول هذا فلان الفلاني جاي يخطب لولده فلانه وش رايك وش اقوله
قالت امي اماراتي صعب مانبيه وبنتنا ماتطلع للاجانب حتى لو قبيلته كانت سعوديه <<< هههه هذا كلام امي مو انا يعني لاتهاوشن علي

المهم ترى هالعايله قد سكنوا بالسعوديه ومعهم جنسيه سعوديه واماراتيه
ابوهم كان ولايزال سعودي وامهم اماراتيه
مادري متخربطه السالفه سامحوني ههههههههههههههه هذا كلام ابوي

المهم وش رايكم؟؟؟؟؟؟؟؟؟؟؟؟؟ ابوي يبيه وامي رافضه وانا مدري ودي اعرس عادي ههه
ماقلت شي بس اللهجه مااعرف لها خخخ
ترى السالفه عريضه وفيها مطبات وكلام بس والله يدي عورتني وبعد كلام مااعرفه اسمع امي وابوي يقولونه يخص الجنسيه والجواز ومدري وش بعد
هههههههههههههههههههههههههههههههههههههههههههههههههه هه
عطوني رايكم هل اذا سالوني اقول لا او ايه ولماذا؟؟؟؟؟؟؟؟؟؟