سكر الحمل مرتفع

هلا الغالية
الله يطمنج على النونو
والمفروض تمشين على دايت
يناسب طولج ووزنج
ومسئوله التغذية ترتبه لج
وعليج بالمشي بعد الاكل
او على الاقل ساعه باليوم
انا بعد اول حمل لي يرتفع السكري عندي
بس لله الحمد احاول اسيطر عليه
من خلال الدايت والمشي
وطمنينا عليج

الله يعافيج انا اختي حامل توام ماشالله واحين بالثامن والسكر مرتفع عندها وماراضي ينزل وبيسوون لها عملية باذن الله يوم الاربعاء الياي

الله يقومها بالسلامه ان شاله وكل مرضى المسلمين

حبيبتي سوي دايت تغذيه احسن واشتري الجهاز الي مال السكري واستخدميه قبل ما تتريقي وبع ما تتريقي بساعة استخدميه وشوفي النتيجة كل يوم لين اتربين يعني قبل كل وجه وبعد كل وجبه وكتبه بورقه وشوفي النتيجه، ولازم انج اتقللي من السكريات وهذا جدول حاولي تستخدمينه كل يوم وان شاء الله بنزل لين ما تولدي:
الصبح: جبن قليل الدسم،حليب قليل الدسم واذا بتشربي شاي لازم اتحطين سكر الي مال السكري ينباع بالصيدليات،واذا بتاكلين توست فقط2،واذا خبز فقط1
الغدا: اكلي فقط8 قفشات بس واذا حابة تاكلي تمر فقط 3 تملرات بدون زيادة
العصر:اذا اتحبي تاكلي فواكه بس باليوم تاكلي فاكهه وحده اذا اكليتي همبا فقط النص والموز فقط موزه وحد
العشا:دجاج مشوي بس تاكلي بقياس وروب قليل الدسم
واذا حابه سير اي عياده او مستشفى وخليهم اسوليج دايت تغذيه ونصيحة لا تاخذين ابر انسولين، وبعد ما تولدين ان شاء الله لين البيبي بكم شهرين سيري راجعي وشوفي السكر خاز عند والا لا ونصيحه امشي كل يوم عاى الاقل ساعة.

امشي على حمية اسبوعين وان شاء الله بيروح عنج .. وماراح تحتاجي لابر انسولين ولا ادوية

انا مريت بهالمعانة مع السكر ونفعت معاي الحمية

اشكركم جزيل الشكر خواااتي ويزاكم الله الف خير

ويوفقكم ف حياتكم … ولكم اطيب التحيااات وان شاء الله بدعيلكم حزت الولادة … … ان شاااء الله ,, ,,