كيفكم خواتي ان شاء الله بخير
قبل يومين متصلة فيني ربيعتي من الامارات ومن ضمن السوالف تقولي عندكم حاليا مهرجان تسوق وتنزيلات وكذا
بس انحرجت اسألها التفاصيل فيا ليت تفيدوني
انا قلت بجي على الويكند ان شاء الله بس حاولت احجز فنادق اغلبها فلللللللللل الي بدبي واذا مو فل فأسعارها فوووووووق يعني فرق عن دايما
بإختصار حجزتلي فندق بالخان يعني بين الشارقة ودبي وانا مو متجهزة ولا ببالي السفرة فما أبي اضغط على ريلي لا يطنش ويلغي الموضوع بالمره
فبغيت أعرف وين المحلات الي مسوية تنزيلات ؟؟؟؟؟؟؟؟؟ وهل التنزيلات تسوى اجي عشانها والا لا
وخاصة محلات ملابس الاطفال شرايكم بتنزيلاتهم
بليز افيدوني
واستفسار ثاني فيه مطاعم حلوة ونظيفة وعائلية بالشارقة والا لا؟؟؟؟؟
وسمعت فيه فعاليات وعروض وين تكون هالفعاليات بس بمولات دبي ؟؟؟؟؟ وتنفع لوناسه اليهال
يـآآ هلاا فييييييج فالامااراات ^^
واستفسار ثاني فيه مطاعم حلوة ونظيفة وعائلية بالشارقة والا لا؟؟؟؟؟
سؤآآآل غريييييييب ..أإكييييييد فييه ..!!
بس اذاا تبيين اساامي والله مااعرف لاني انا من بووظبي ..
وسمعت فيه فعاليات وعروض وين تكون هالفعاليات بس بمولات دبي ؟؟؟؟؟ وتنفع لوناسه اليهال
الفعالياات فالمولات والقريه العالميه أإنصحج بزيـآآرتهـآآ ^^وفي كرنـفـآلات ف شوآآرع دبي..
واليهاال بيستـآآنسوون بعد ..^^
والسموووحه..
والخان وايد جرية من دبي .. زين اخترتي مكان جريب
وعندج المولات مثل
الفستفال سنتر . دبي مول . امرتس مول . مردف ستي سنتر .
هالاربع مراكز يشملن لكل شي من محلات ومطاعم عالميه ..وكلهن مسوين تنزيلات .. ما لج الا تفترين فيهن واتشوفين اللي يعيبج !
ممشى جميرا (جميرا بيتش رزدنس ) مكان حلو لليلسات ومتروس مطاعم وجريب من البحر
ما عليج الا تاخذين تكسي وتعطينه اسامي هالاماكن .. ^^
ويا هلا ومسهلا من بين خواتج وهلج .. =)
دبي بتنور ..
* كنت هنآا |~