اشحالكم بنات؟ عساكم بخير ^_^
عندي استفسار بنات بسيط
و مابا وحدة تفتي.. ابا اعرف ^^
انا الحمد الله من رديت من الحج مداومة على سورة البقرة + سورة يس
و الحمد الله وايد مرتاحة.. يعني احس براحة عقب ما اخلص
و عقبها ادعي باللي اباه
و بشكل عام ادعي ربي ايسر اموري سواء ف الدراسة او دوامي و اشيا ثانية
و انا من يوم بديتها بكمل لين نهاية السنة.. بيكون بالضبط 40 يوم
ظهر بالصدفة جيه
المهم.. عقب كنت اقرا قصص و جيه سواء ف هالمنتدى او مدونة ثانية
إنه اللي قروا سورة البقرة لمدة 40 يوم متواصلات استوالهم كذا و كذا (تحققت امانيهم)
طبعا مع الاستغفار + و الصدقة و غيرها
اشوف من القصص يعني شي داعيات يقولون عن هالشي و ينصحون فيه
و بعضهم يقولون بدعة
انا مابا اطيح ف البدعة
يعني مب معناته عقب 40 يوم بوقف عن القراية
بس اشوف كل حد يقول 40 يوم حتى يوم سرت الحج..!
و الله يقولون قصص واقعية و جيه بعد سالفة ال 40 يوم
و فيه بعضهم يقولون إنه 40 يوم لأنه إذا كان فيه سحر او حسد يرد ع الشخص
مادري لو فهمتوا قصدي و لا لا ^^"
يعني عادي انا اقراها و عقبها ادعي باللي اباه
و عادي يكون لمدة 40 يوم و لا لا؟
و يزاكم الله خير مقدما ^^
ربي يوفقج غنااااتي
الي اعرفه انه الي تبدا فيها اتم تقراها للابد مب تقراها عشان شي معين وتهدها ؟ عرفتي ..
واصلا الرسول عليه الصلاة والسلام وصى انه سورة البقره تنقرى فالبيت …
هذا الي اعرفه وسوري اذا ما جاوبت على سوالج
يعني يمكن تقرينها سنتين وعقب سنتين يتحقق الي تبينه ورب العالمين هو يحدد ساعه الاجابه
وبالنسبه لفك السحر او عين او حسد اكيد من وقت ماتقريها الين ال40 ينفك السحر والحسد والعين
شوفي سيدنا زكريا ربنا استجاب له عقب سنين
يعني ربنا بيتسجيب الدعوه ان شاء الله يوم بتكون خيره لنا
وعسى ربي يحقق الي بخاطرج دعواتج لي بالحمل