السلام عليكم و رحمة الله وبركاته
حسااااااااافة رمضان على وشك يخلص و ندعو الله يتقبل منا القليل و يعفو عنا الكثير ..!!
طبعا كل يوم أنشغل المطبخ و اسوي اكلة و إلا سويت و إلا شي لكن سبحان الله ما أفضى أصوره .
اليوم ريلي صور من وراي بعض السويتات كنت مطرشتنهم حق حميتي الغالية اللي اعزها وايد .
و شي منه بعد طرشته حق ربيعتي و شي منه حق البيت و شي منه مادري وينه هههههه.
أولا : البف بستري بالكاسترد و الفواكه .
ثانيا : حلا الكاسات بالفراولة .
صورة اخرى مقربة لحلا الكاسات .
و صورة جماعية .
خواتيه الطريقة سهلة وااااااااااايد و ما تحتاج وقت و مكوناتها موجودة بكل مكان .
البف بستري :
عجينة بف بستري و افضل نوع السنبلة نقطعها نصفين و نحمرها بالفرن .
كاسترد و نسويه فالبيت طبعا ببودرة الكاسترد مع الحليب و شوية زبدة و سكر و نفوره .
فواكه : كرز …فراولة .. كيوي .. أفضل الفريش ما احب المعلبات .
سكر بودرة للتزيين وممكن جرفة بعد .
=======
حلا الكاسات :
اول طبقة على حسب رغبتج بس اللي بالصورة :
جيلي فراولة
ثاني طبقة : نخلط 2 دريم ويب + 4 كيري + حيب مركز ملعقة واحدة + نص كأس حليب + قشدة .
نخلطهم فالخلاط الكهربائي لين تتكون عندنا كريمة و نصبها فالكأس و ندخلها الفريزر شوية .
ثاني طبقة او 3 الي تبغين : بسكويت مطحون او مجروش .يفضل بسكوت مب حلو عشان ما يطلع وايد سكر فيه .
نزينها بحبات الفراوة و كاكاو و هيرشي نقطة واحدة فقط .
تسلمين اختي ع الوصفتين
تسلمين الغالية
للرفـــــــــــــــع
لا إله إلا الله محمد رسول الله
بس اباا وصفة الكاسترد بالضبط دايماا مايضبط عندي ….
المشاركة الأصلية كتبت بواسطة العينااااويه 
بس اباا وصفة الكاسترد بالضبط دايماا مايضبط عندي ….
اختي العيناوية خذي الوصفة بالززززززززبط ههههههههه
كاسترد بودرة تحطين خاشوقتتين كبار + نص لتر حليب + خاشوقتين سكر أو أقل حسب رغبتج
فدرجة الحلاوة و انا احط خاشوقة و نص ما احب السكريات وايد .
الحليب اللي قلنا عنه نص لتر ناخذ منه شوية بارد و نذوب فيه الكاسترد .
الباقي نفوره على الغاز قبل لا تطلع الرغوة فوووق نصب الكاسترد المذوب و نبدا نخلطه و طببعا
أحنا حطينا السكر في الحليب اللي على النار .
نبدأ نحركه شوي شوي و نخليه شوية على النار .
نشله من فوق النار و ندخله الثلاجة ثواني و كل شوي نحركه عشان يبرد .
بييج الكاسترد شبه سائل مب يابس عشان تدهنين فيه البف بستري .
وسلامتج ..!!