شخباركم خواتي؟ ان شاءالله بخير
أنا صارلي معرسة من 6 شهور بس وساكنة فبيت ريلي والحالة المادية شوية صعبة
نبغي نطلع ونسكن رواحنا يوم الله بيقدرنا , المشكلة شاكة أني حامل والوضع الحالي مايسمح لان توني معرسة ونبغي نتهنى وثاني شي نبغي نجهز مكان حق البيبي بعدين
اللي ابغي مساعدتكم فيه ، كيف أقدر افحص لان مر على الموضوع 9 أيام , ولاتقول فحص دم لاني اخاف ابر , اللي ابغي اسأله متى أقدر أستخدم فحص الحمل المنزلي ؟ هل لازم يمر على الموضوع 15 يوم وعقب افحص ؟ وماقدر اتريا لين ثاني دورة عشان أتأكد
اذا الدوره متاخره عليج 10 ايام
خذي فحص كلير بلو وعلى طوول بتظهر لج النتيجه
واان شاء الله خير لاتحآتيين~
اصبري والله ييسر أمورج
واليوم تاريخ 19/11/2017 يعني مرت عسالفة 9 ايام للحين , بس مافيني اتريا لين موعد الدورة الياية
والصيدلية قالو بعد اسبوعين تقدرين تستخدمين فحص المنزلي وبيبين عندج وبعض ربيعاتي قالو ماينفع لين ماتتاخر عليج الدورة وعقب تفحصين