أولا حبيباتي ابشركم اني ربيت الحمد لله من يومين ويبت أحلا بنوته ^_^
المهم : من بحثي في النت عن فترة الاربعين … قريت أن كثرة شرب الماي تدر الحليب
وفي نفس الوقت تطلع كرش
هل أنا فاهمه الموضوع غلط والا كيف ؟؟؟
وأي وحده عندها معلومات لفترة الاربعين من تجربتها الشخصيه لا تبخل علي ولها دعوه من قلب
خصوصا موضوع الكرش وادرار الحليب
ومنوه جربت الحصاة الناعمه الحاره للكرش كيف استخدامها؟؟؟
ومشكورين مقدما
بالتوفيق
ومبروك ماياج
حبيبتي شربي حراروه تساعد على ادرار الحليب وتنزل الوساخة من البطن
ولازم تشربين الماء على شان البيبي في فترة الاربيعين يقولون علشان عيونه ولا بيطلع احول
ويارب البنات يفيدونج
وجعلنا من الماء كل شيء حي
وانتي محتاجه الماي لان الحليب يتكون من الماي يعني انتي تشربين لشخصين انتي والبيبي
امي ابدا ماتعطيني ماي … بس كوب فاليوم .. واذا خذت دوا نص كووب
قالت الماي يظهر كرشه وصعب ادخلينها لانه هالفتره البطن لين واييييييد وكثر الماي اطلع الكرشه
وماكنت اشرب ماي وايد بس شئ حليب الحمدالله لاني اتريق و اتغدا واتعشى .. واهم شئ تاكلين بسرعه يعني تتريقين ساعه 8/ او 9 الغدا 12 .. العشى 8 او 9 عسب الياهل مايتلعوز بطنه ويصير فيه غازات .. وانا سويت جي والحمدالله ..كل شئ تمام
وعن الحصى .. اسخنينها ع النار شوي مب وايد عقب اتلفينها بفوطه واتحطينها صوب البطن يعني من السر والبطن الي تحت السر
وبعد ماتكملين 15 يوم تقدرين تيلسين في ماي دافي وشوي ملح >> قبل 15 يوم مانصحج اقل شئ الجرح رووحه يلتأم من داخل ..
وهالي اعرفه ويا في بالي
ادعي النا حبوووبه ,, الله يرزقنا الجنه ويحفظ لي بنوتي ^^
مبروووووووك والحمدالله ع سلامتج >> توه الناس ^_^
شربي ماي وكثري من المشروبات الساخنة علشان تنظف بطنج,
ولاتنسين الحليب الطازج والعصاير علشان تسوين حليب للبيبي,, وأبتعدي عن العيش والاكلات الدسمة
وبالنسبة للكرش حاولي تربطين بطنج طول فترة الاربعين ولبس المشدات وترطبين بطنج دايما بزيت الزيتون
أو زيت اللوز علشان التششقات والرياضة الخفيفة لشد البطن..
وعقبالنا يااارب
وربي يسهل ع الجميع
ويرزق كل محرومه
شرب المآي وآيد زييد مب بس لأدرار الحليب .. امآ عن الحصآه تسخنينهآ اشوي وتلفينهآ بفوطه ..وتحطينهآ ع بطنج ..
ودعوآتج عقبآلي ^^