طريقنا إلى رشاقتنا مع مسابقة التحدي
بداية المسابقة كانت في 20-3-2017
-العضوه المشتركه بالمسابقه لازم تدخل يوميا وتذكر لنا يومياتها في هذا الموضوع…(الاتحاد..قوه) واذا ما دخلت لازم تذكر لنا السبب او العذر …(باستثناء بعض المشتركات اللي خبروني ظروفهم.
2- بعد اسبوعين من بداية المسابقه بنوزن ..بالجمعه…واكثر وحده نزل وزنها بتحصل لقب او شعار للرشاقه
3-بعد شهر من المسابقه ….اكثر وحده نزل وزنها …بيدخل اسمها في التحدي
4- عند نهاية المسابقة (ما اعتقد المسابقة بتنتهي) ….بنجمع 6 اسماء وعقب بيكون بينهم تحدي لمدة شهر ….واللي بتنزل من وزنها اكثر شي….هي بتكون رشيقة مسابقة التحدي
– عندج يوم واحد فقط لكسر الريجيم ..انتي اتحددينه على كيفج
– ضروري…………كثروااااااااااااااااااااااااااا من الماي والسوايل بشكل عام
– ما اوصيكم على الاناناس والكيوي ..الشاي الاخضر…الماي الدافي مع الليمون …الزنجبيل
-خذي قياس خصرج والارداف والصدر كل اسبوعين او كل شهر …ولاحظي الفرق
– اللي بتخبص او بتتهاون عن الريجيم والرياضه ……….بيكون عقابها رياضه من اي نوع المديره تختاره او يمكن عقاب اشد حسب اللي نجتمع ونتفق عليه
– مدراء الفرق….لازم يجمعون الاوزان كلها ويرسلونها للمديره التنفيذية .."ونة زمن" ويشوفون من الفايزة بلقب رشيقة الاسبوع للفريق الاخضر و الاحمر و الوردي
– من الفائزات الثلاث…..وحده منهن بتكون رشيقة الاسبوع
بالتوفيق …الله يعطيكم الصحة والعافية دائما
فتحنا موضوعنا مره ثانيه على الجزء الثالث.. وان شاء الله الكل يتحمس هاي المره
تعرفوون البنك اللي حذال بنكناا (باركليز) احتفلووا اليوم بالعيد الوطني يالله اسمحيها الحفله كانت روعه يايبين فرقه حربيه وغير الشباب ايوولوون ونحن يالسين نشوفهم ونتخصص على اعمارنا بنكنا مب امسوي شي خخخخ صدق زط فيهم اونه بنك بريطاني …
بس باجر نحن بنحتفل بالعيد الوطني واللي بيسير المسيره يخبرني .. لان فخاطري اسير بس استحي خخخخ
وجي اخباااري (اخبار سي ان ان)
الله يوفقج وتضعفين ونحن وياج ان شاء الله
======================================
الله كريم
================================
هيي باجر فليل …
اممم أنا أخاف انها سايرة وياكم خخخخ اعترفي
يمكن بعد نفس الطيارة منو يدري
وبالنسبة للي فيني … سايرين ورادين ع سالفة الشغل … كله نغزات في نغزات وخاصة أمي
خلاص ماقدر اتحمل أكثر … بنفجر … كم بتم ساكتة! بديت أحس اني منبوذة! ما يسوى علي هالشغل اللي قررت اني ماسيره …
هذا ونا ماطلب منهم شي .. ولا فلس!
بس ماقول غير الله كريم
==============================
لا إله إلا الله .. محمد رسول الله
بس كل واحد وعنده حد للصبر والتحمل! ونا خلاص ماقدر اتحمل أكثر
لدرجة اني مالي نفس آكل شي … من الصبح للحين ما كليت شي غير كمن حبة عنب .. وحليب
الله كريم
بالنسبة لتقريري
نشيت من وقت اليوم ..
شربت دبة ماي كاملة
ما تريقت
الظهر شربت حليب
وعقب الظهر شربت الخلطة
وعقب كليت حبتين عنب + حبتين نبج
وبس