اخواتي العزيزات انا ترددت كتير قبل لاعرض مشكلتي , متل الباقين , لكن عندي احساس كبير اني اذا عرضت المشكلة انشاء الله راح الاقي حل من خلال المنتدى ممكن تكون وحدة من المنتدى بتعاني من نفس المشكلة وتقدر تساعدني
المشكلة انه انا تزوجت انسان كان هوة يحبني وزي الكل سافرت معاه لانه يشتغل في بلد تاني , اول سنة مشيت الامور والحمد لله تمام كانت , تاني سنة تفاجأت انه هاد الانسان مو نفسه الانسان اللي حبني وحبيته مو هاد الانسان اللي غرقني بحنانه .
زواجي منه كان صدمة كبيرة للكل لصحباتي ولاهلي ولكل العائلة والسبب انه كانو كتير يطلبوني واحسن منه بالمواصفات العلمية والمادية والاجتماعية وكل شي لكن ما صار النصيب وسبحان الله كان نصيبي مع هاد الانسان , زوجي انسان طيب عصبي كتير بس الحق يقال انسان كويس والحمد لله
طبعا متل كل البيوت بتصير مشاكل بيننا بس الحمد لله بتنازل من الطرفين بتمشي الامور وبتنحل المشاكل والحمد لله هلأ عنا بنت زي العسل الله يخليلي اياها ويحميها
لكن ,,,,,,, المشكلة الاكبر كانت بعد السنة الاولى من الزواج , زوجي تغير بس مو من ناحية المشاكل او شي لانه المشاكل بعدها هية هية ومتل ما خبرتكم بتنحل والحمد لله لكن التغيير كان من ناحية حقي كزوجة شرعية اله يعني صرت احسه ما يهتم لوجودي مع انه الحمد لله انا انسانة جميلة جدا ومثقفة واكيد طبعا اهتم بحالي بشكل كبير البس واتزبط اله لكن هوة ولا كأنه موجود يعني ما احس انه شرات الرجال التانيين لما يشوفو زوجاتهم مزبطين على الاخر يجالسوهم ويدلعوهم وهيك ….
حتى انه الامور وصلت فيه انه ما عاد يعاشرني المعاشرة الزوجية مع انه والله اعمل كتير اشياء يحبها الرجال زي باقي المتزوجات وكأني بعدني عروس جديدة
المهم يمكن كتير منكم يقولو يمكن انه زوجي يعرف انسانة تانية او يحب غيري بس انا ااكلكم انه مستحيل والسبب انه انا وياه طول اليوم سوا بنشتغل مع بعض وبنروح وبنيجي مع بعض حتى موبايله استحاله حدا يتصل فيه الا اكون معاه وما عمره بعد عني وهوة بيحكي تلفون او اتخبا عشان ما اعرف انه بيحكي تلفون
طبعا انا طبعي كتير خجول ما اقدر افتح معاه موضوع المعاشرة والسبب الي مخليه نهائيا ما يلمسني احيانا افكر بيني وبين حالي اسأل امي او اي حدا من خواتي بس ما اقدر السبب الاول الخجل والسبب التاني انه اهلي ما بيعرفو عنه الا كل خير وانه عمره ما زعلني وانه احسن انسان بالدنيا لانهم عارضو بالبداية وبعدين وافقو طبعا بدون ضغط مني بس لانه قريب الي وبنظرهم القريب بيضل احسن من الغريب
انا مو حابة احكي عن حالي كتير بس حتى وانا بمشي بالمول او بالشارع او باي مكان الكل يطلع فيني لاني والحمد لله على قدر من الجمال والجاذبية وهوة نفسه فاهم هاد الكلام بس ما بعرف شو المشكلة
الحمد لله انا حافظة بيتي بما يرضي الله لكن لمتى راح يطول الامر معاه انا كمان انسانة والي مشاعر والدين بيقول( لا ضرر ولا ضرار)
نفسي اعرف شو المشكلة لانه اذا بفكر انه ممكن يكون المشكلة صحية عنده بس لأ هاد الكلام مو مزبوط لانه سنة كاملة الوضع تمام التمام والحمد لله وهوة انسان بنيته قوية
يمكن اكون طولت بالكلام انا كان ببالي كتير كلام اكتبه بس ما ادري ليه لما بلشت الكتابة راح كل الكلام
بتمنى النصيحة منكم اخواتي واعرضو علي الحلول ومشكورين
يمكن بعد هوه مب لاقي جرأه منج مل انه هوه دايم يبادر وبغرفة النوم خلي المستحى على جنب
في معاشره وحاولي تاخين حقج باسلوب رومنسي ودلع . الزوجه لازم تحاول تعرف السبب مهما كان . واسلي
زوجج بعد ما تحاولين تغيرين من نفسج ومن الروتين العادي . واذا ما تغير زوجج حاولي تسوي جو حلوو وتكلمينه
شو سبب ابتعاده عنج وشو مشكلته هل اهو مب مرتاح من ناحية المعاشره او في مشكله فيه هو . حاولي بدون عصبيه
ناقشي الموضوع بكل بصاطه . وربي يهدي زوزج ويحبب فيج اكثر .
بس صدق انا انسانة احب التغيير ةابتعد عن الروتين انا متأكدة اني مو مقصرة من هاي الناحية لاني كل يوم شكل جديد والدلع هاد امر مفروغ منه ادلع عليه كتير والحيا بس اني ما اقدر اقوله ليش ما تعاشرني ؟ اما ممارسة الحياه الزوجية داخل غرفة النوم ااكدلكم انه كانت الامور والله تمام 100 % حتى هوة كان كتير يحب اكون وياه . بس بجد الوضع تغير .